Dinamalar

ஆடுஜீவிதம் பார்த்து பிரமித்து பாராட்டிய கமல் - மணிரத்னம்

பிரித்விராஜ் நடிப்பில் இயக்குனர் பிளஸ்சி இயக்கத்தில் மலையாளத்தில் உருவாகியுள்ள படம் 'ஆடுஜீவிதம்'. ஏ.ஆர் ரஹ்மான் இசையமைத்துள்ள இந்த படத்தில் அமலாபால் கதாநாயகியாக நடித்துள்ளார். நாளை (மார்ச் 28) இப்படம் தென்னிந்திய மொழிகள் மற்றும் ஹிந்தியிலும் சேர்த்து வெளியாக இருக்கிறது. இந்த நிலையில் இன்று சென்னையில் இந்த படத்தின் சிறப்புக்காட்சி திரையிடப்பட்டது. இதில் நடிகர் கமல்ஹாசன், இயக்குனர் மணிரத்னம் ஆகியோர் கலந்துகொண்டு ஆடு ஜீவிதம் படத்தை பார்த்து ரசித்தனர். படத்தைப் பார்த்துவிட்டு வெளியே வந்த கமல் படம் குறித்து தனது வியப்பை வெளிப்படுத்தினார்.

கமல் பேசும்போது, “இயக்குனர் பிளஸ்சிக்கு நன்றி. இது உண்மையிலேயே ஒரு கடின உழைப்பு.. யாரோ ஒருவருக்கு நடந்திருக்கிற விஷயம் தான். மணிரத்னம் கூட எப்படி இதற்காக நீங்கள் உழைத்தீர்கள் என ஆச்சரியப்பட்டார். படத்தின் இடைவேளையின் போது இன்னும் அதிகமாக தண்ணீர் குடிக்க வேண்டும் என்கிற உணர்வு ஏற்பட்டது. பிரித்விராஜ் மிகப்பெரிய அளவில் அதிலும் குறிப்பாக அந்த குளிக்கும் காட்சியில் பிரமிக்க வைத்துள்ளார்.

இவ்வளவு தூரத்திற்கு அவர் செல்வார் என நான் ஒருபோதும் நினைத்ததில்லை. ஒளிப்பதிவாளர் (சுனில் கே.எஸ்) பணி உண்மையிலேயே கடினமானது. படைப்பாளிகளாக நாங்கள் புரிந்து கொள்கிறோம். மக்களும் இதை புரிந்து கொள்ள வேண்டுமென விரும்புகிறோம். அருமையான படம். இந்த படத்திற்கு மக்கள் தங்கள் ஆதரவை தர வேண்டும்” என்று கூறியுள்ளார்.

இயக்குனர் மணிரத்னம் இந்த படம் குறித்து தனது பாராட்டை வெளிப்படுத்தும் போது, “வியக்கத்தக்க, மூச்சை இழுத்து பிடிக்கின்ற வகையிலான காட்சிகள் மற்றும் பிரித்திவிராஜ் அற்புதமான பணியை இதில் செய்துள்ளார்'' என்று பாராட்டியுள்ளார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்