Dinamalar

37 வயதில் நடிகர் சித்திக்கின் மகன் மரணம்

மலையாள திரையுலகின் பிரபல நடிகர் சித்திக். இவரது மூத்த மகன் ரஷீன் என்பவர் உடல்நல குறைவு காரணமாக நேற்று மரணம் அடைந்துள்ளார். 37 வயது ஆன ரஷீன் பல நாட்களாக சுவாசப் பிரச்னையால் பாதிக்கப்பட்டிருந்தார். சமீபத்தில் சிகிச்சைக்காக மருத்துவமனையில் சேர்க்கப்பட்ட அவர் சிகிச்சை பலனின்றி உயிரிழந்தார். திரையுலக பிரபலங்கள் பலரும் சித்திக் வீட்டிற்கு நேரில் சென்று தங்களது இரங்கலை தெரிவித்து வருகின்றனர்.

மலையாளத் திரையுலகில் கடந்த 40 வருடங்களுக்கு மேலாக தவிர்க்க முடியாத நடிகராக வலம் வருபவர் தான் நடிகர் சித்திக். தமிழில் எப்படி கமலுக்கும் ரஜினிக்கும் நடிகர் நாசர் பொதுவான நண்பராக அவர்களது படங்களில் தொடர்ந்து இடம் பெற்று வந்தாரோ அதேபோல மலையாளத்தில் மம்முட்டி, மோகன்லால் படங்களில் இப்போது வரை தவறாமல் இடம்பெற்று நடித்து வருபவர் தான் சித்திக்.

தமிழில் ஜனா, பாஸ்கர் ஒரு ராஸ்கல், ரங்கூன் உள்ளிட்ட சில படங்களில் நடித்துள்ளார். இவருக்கு இறந்து போன ரஷீன் மூத்த மகன். இவரை எப்போதுமே கடவுள் தனக்கு கொடுத்த தனது சிறப்பு குழந்தை என்று பல பேட்டிகளில் சித்திக் குறிப்பிட்டுள்ளார். இவரது இளைய மகன் சாஹீன் என்பவர் தந்தையைப் போலவே சினிமாவில் ஒரு நடிகராக நடித்து வருகிறார்.

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?