Dinamalar

தீபாவளி ரேசில் துல்கர் சல்மான்

தீபாவளி பண்டிகை அன்று பெரிய ஹீரோக்கள் நடித்த, பெரிய பட்ஜெட் படங்கள் மோதுகிறது. ரஜினி நடித்த 'வேட்டையன்', சூர்யா நடித்த 'கங்குவா' ஆகிய படங்கள் தீபாவளிக்கு முன்பாகவே அக்., 10ல் வெளியாக உள்ளன. தீபாவளி சமயத்தில் அஜீத் நடித்துள்ள 'விடாமுயற்சி' ரிலீஸ் என தெரிவிக்கப்பட்டுள்ளது. இதுதவிர சிவகார்த்திகேயன் நடித்த 'அமரன்', ஜெயம் ரவி நடித்துள்ள 'பிரதர்' ஆகிய படங்களும் வெளியாகின்றன. இந்த போட்டியில் துல்கர் சல்மான் நடித்துள்ள 'லக்கி பாஸ்கர்' படமும் இணைந்துள்ளது.

இந்த படம் தெலுங்கில் தயாரானாலும், தமிழிலும் வெளியாகிறது. ஏற்கெனவே துல்கர் சல்மான நடித்த தெலுங்கு படமான 'சீதா ராமம்' தமிழில் வெற்றி பெற்றதை தொடர்ந்து இந்த படத்திற்கும் எதிர்பார்ப்பு ஏற்பட்டுள்ளது. இந்த படத்தை வெங்கி அட்லூரி இயக்கி உள்ளார். பிரபல தெலுங்கு தயாரிப்பு நிறுவனமான சித்தாரா எண்டர்டெயின்மெண்ட்ஸ் தயாரித்துள்ளது. நாயகியாக மீனாட்சி சவுத்ரி நடித்துள்ளார். ஜி.வி.பிரகாஷ் இசை அமைத்துள்ளார். நிமிஷா ரவி ஒளிப்பதிவு செய்துள்ளார்.

படம் வெளியீடு தொடர்பாக தயாரிப்பு நிறுவனம் வெளியிட்டுள்ள செய்தி குறிப்பில் “முதலில் இந்தப் படம் செப்டம்பர் 7ம் தேதி வெளியிடத் திட்டமிடப்பட்டது. ஆனால், இப்போது தீபாவளி வார இறுதியான அக்டோபர் 31ம் தேதி திரையரங்குகளில் வெளியாகிறது. போஸ்ட் புரொடக்ஷன் பணிகளை முடிக்க கூடுதல் நேரம் தேவைப்படுவதால் வெளியீட்டு தேதி மாற்றப்பட்டுள்ளது'' என்று குறிப்பிடப்பட்டுள்ளது.

இந்த படம் 1980களில் நடந்த ஒரு பிரபல வங்கி கொள்ளையை மையமாக வைத்து பீரியட் படமாக தயாராகி உள்ளது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்