Dinamalar

பிளாஷ்பேக் : ஒரே படத்தில் சிவாஜி, ரஜினி, கமல்

சிவாஜியும், ரஜினியும் இணைந்து பல படங்களில் நடித்துள்ளனர். அதேபோல கமலும், சிவாஜியும் இணைந்து நடித்துள்ளனர். மூவரும் இணைந்து நடித்த படம் 'நட்சத்திரம்'. ஆனால் இதில் மூவருமே அவரவர்களாக நடித்திருப்பார்கள்.

1978ம் ஆண்டு தெலுங்கில் வெளிவந்த 'சிவரஞ்சனி' என்ற படத்தை தெலுங்கு இயக்குனர் தாசரி நாராயண ராவ் தமிழில் நட்சத்திரம் என்ற பெயரில் ரீமேக் செய்தார். இந்த படத்தில் ஸ்ரீபிரியாதான் கதையின் நாயகி, அவரது கணவராக மோகன் பாபுவும், காதலராக தெலுங்கு நடிகர் ஹரி பிரசாத்தும், நடித்தனர். இவர்களுடன் சிவச்சந்திரன், மனோரமா, ஜெயமாலினி நடித்திருந்தார்கள்.

படத்தில் சிறப்பு தோற்றத்தில் சிவாஜி, ரஜினி, கமல், நாகேஷ், பிரபா, சாவித்ரி, கே.ஆர்.விஜயா, ராதா, மஞ்சுளா, ஸ்ரீவித்யா, புஷ்பலதா ஆகியோர் நடித்திருந்தனர். இந்த படத்தில் ஸ்ரீப்ரியா, ஸ்ரீரஞ்சனி என்ற நடிகையாக நடித்திருந்ததால் முன்னணி நடிகர்கள் அனைவரும் அவர்களாகவே வந்து சென்றார்கள்.

படத்திற்கு சங்கர் கணேஷ் இசை அமைத்திருந்தனர். 'அவள் ஒரு மேனகை என் அபிமான தாரகை...' என்ற புகழ்பெற்ற பாடல் இந்த படத்தில் இடம்பெற்றது. 'பொன்னாங்கன்னி பூத்து வந்ததோ...' என்ற பாடலில் ஸ்ரீபிரியாவுடன் கமல் இணைந்து ஆடினார்.

திருமணமான ஒரு திரைப்பட நடிகைக்கு தனது ரசிகருடன் வரும் காதல் தான் படம்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா