Dinamalar

'புஷ்பா 2' காத்திருக்கிறது - மேடையில் பேசிய தமன்

சுகுமார் இயக்கத்தில், அல்லு அர்ஜுன், ராஷ்மிகா மந்தனா, பஹத் பாசில் மற்றும் பலர் நடிப்பில் 2021ல் வெளிவந்த படம் 'புஷ்பா'. அந்த முதல் பாகப் படத்தில் தேவி ஸ்ரீ பிரசாத் இசையில் வெளிவந்த பாடல்கள் அனைத்துமே சூப்பர் ஹிட்டானது. நேரடி தெலுங்குப் படம் என்றாலும் தமிழ், ஹிந்தி டப்பிங்கிலும் பாடல்கள் பெரிதும் ரசிக்கப்பட்டு ஹிட்டானது.

'புஷ்பா 2' படத்திற்கும் தேவி ஸ்ரீ பிரசாத் தான் பாடல்களுக்கு இசையமைத்துள்ளார். ஆனால், கடந்த சில நாட்களாக படத்திற்கான பின்னணி இசையை தேவி ஸ்ரீ பிரசாத் அமைக்கவில்லை. இசையமைப்பாளர்கள் தமன் மற்றும் அஜனீஷ் லோகநாத் ஆகியோர் அமைத்து வருகிறார்கள் என்ற தகவல் வெளியானது. படக்குழுவிலிருந்தோ, தேவி ஸ்ரீ பிரசாத் தரப்பிலிருந்தோ இது குறித்து எதுவுமே சொல்லாமல் இருக்கிறார்கள்.

இதனிடையே, நேற்று ஹைதராபாத்தில் நடைபெற்ற பின்னணிப் பாடகர் கார்த்திக்கின் இசை நிகழ்ச்சி ஒன்றிற்கு வந்திருந்தார் இசையமைப்பாளர் தமன். அப்போது மேடையில் கார்த்திக்கிடம் பேசும் போது, 'புஷ்பா 2 எனக்காகக் காத்திருக்கிறது,” என்று சொல்லிவிட்டு கிளம்பினார்.

இதையடுத்து அப்படத்தின் பின்னணி இசையை தமன் அமைக்கிறார் என்பது உறுதியாகி உள்ளது.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்