Dinamalar

'கங்குவா' முன்பதிவு நேற்றிரவு முதல் ஆரம்பம்

சூர்யா நடித்துள்ள 'கங்குவா' படத்திற்கான தியேட்டர்கள் ஒப்பந்தம் போடுவதில் கடைசி வரை இழுபறி நீடித்து வந்தது. நேற்று சில முக்கியமான மல்டிபிளக்ஸ் தியேட்டர்கள் ஒப்பந்தத்தில் கையெழுத்திட்டன. இருந்தாலும் சில முக்கியமான சிங்கிள் ஸ்க்ரீன் தியேட்டர்களுடனான ஒப்பந்தம் கையெழுத்தாவதில் இழுபறி நீடித்து வருவதாகத் தெரிகிறது. இன்று அவற்றில் சில தியேட்டர்களுக்கான ஒப்பந்தம் இன்று கையெழுத்தாக வாய்ப்புள்ளதாகச் சொல்கிறார்கள்.

இருந்தாலும், ரஜினி, விஜய், கமல், அஜித் உள்ளிட்ட நடிகர்கள் படங்கள் வெளியாகும் தியேட்டர்களின் எண்ணிக்கை அளவிற்கு 'கங்குவா' படத்திற்கு அதிக தியேட்டர்கள் கிடைக்கவில்லை என்று கோலிவுட் வட்டாரங்கள் தெரிவிக்கின்றன. வினியோகஸ்தர் தரப்பில் கறாராக நடந்து கொள்வதே அதற்குக் காரணம் என்கிறார்கள்.

ஆன்லைன் முன்பதிவு தளங்களில் பார்த்தால் 'அமரன்' படம் எவ்வளவு தியேட்டர்களில் ஓடிக் கொண்டிருக்கிறதோ அதே அளவிற்குத்தான் 'கங்குவா' படத்திற்கான தியேட்டர்களும் இருக்கிறது. இரண்டு வாரத்தை முடிக்க உள்ள 'அமரன்' படத்திற்கான தியேட்டர் எண்ணிக்கை இன்னும் குறையாமல் இருக்கிறது.

கனமழைக்கான அறிவிப்பு, அமரன் படம் நன்றாக ஓடிக் கொண்டிருப்பது உள்ளிட்ட விஷயங்கள் தியேட்டர்காரர்களை யோசிக்க வைக்கிறதாம். 'வேட்டையன்' படத்துடன் மோத வேண்டாம் என பின் வாங்கியது பரவாயில்லை. அதே சமயம் தீபாவளிக்கு 'கங்குவா' படத்தை வெளியிட்டிருக்கலாம். தனி வெளியீடாக வர வேண்டும் என்ற எண்ணத்தில் இப்போது வெளியிடுவது ஒரு தவறான ரிலீஸ் என திரையுலகினரின் கருத்தாக உள்ளது. மழையின் தாக்கம் 'கங்குவா' படத்தை பாதிக்குமா என்ற அச்சத்தில் படத்தைத் திரையிடும் தியேட்டர்காரர்கள் இருக்கிறார்களாம்.

• இவரை பற்றி
• செய்திகள்
• ஆல்பம்
• வீடியோ
• வந்த படங்கள்

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  'ஜனநாயகன்' பாடல் வெளியீட்டு விழாவில் விஜய் பேசியது என்ன? மறந்தது என்ன?
• 
  தியேட்டரை மட்டும் நம்பாதீங்க: 2025 சொல்லி கொடுத்த பாடம்
• 
  மலேசியாவில் மிரட்டிய 'ஜனநாயகன்' : 'பராசக்தி' படத்துக்கு பிரஷர்
• 
  அவமானங்களுக்கு 'ரியாக்ட்' பண்ணாதீர்கள்: நடிகர் சூரி 'அட்வைஸ்'
• 
  'கொம்புசீவி' தயாராகும் இன்னொரு தனுஷ்