Dinamalar

அரங்கம் அதிர, விசிலு பறக்க... வெளியானது கூலி : ரசிகர்கள் கொண்டாட்டம்

லோகேஷ் கனகராஜ் இயக்கத்தில் ரஜினி நடிப்பில் மிகுந்த எதிர்பார்ப்புக்கு இடையே இன்று(ஆக., 14) உலகம் முழுக்க ‛கூலி' படம் வெளியானது. ரஜினிக்கு சினிமாவில் இது 50வது ஆண்டு என்பதால் இந்த படத்திற்கு கூடுதல் சிறப்பு. ரஜினி உடன் சத்யராஜ், தெலுங்கு நடிகர் நாகார்ஜுனா, மலையாள நடிகர் சவுபின் சாகிர், கன்னட நடிகர் உபேந்திரா, ஹிந்தி நடிகர் அமீர்கான் மற்றும் நடிகை ஸ்ருதிஹாசன் ஆகியோர் முக்கிய வேடத்தில் நடித்துள்ளனர். அனிருத் இசையமைத்துள்ளார். ஏற்கனவே படத்தின் பாடல்கள் மற்றும் டிரைலர்கள் வெளியாகி வரவேற்பை பெற்று இருந்தது.

தமிழகத்தில் இன்று ஒருநாள் மட்டும் 5 காட்சிகள் திரையிட தமிழக அரசு அனுமதி வழங்கி உள்ளது. முதல்காட்சி காலை 9 மணிக்கே துவங்கியது. ரஜினி ரசிகர்கள் காலை முதலே படத்தை ஆட்டம், பாட்டம், கொண்டாட்டத்துடன் வரவேற்றனர்.

அதேசமயம் கர்நாடகா, ஆந்திரா, தெலுங்கானா போன்ற மற்ற மாநிலங்களில் காலை 5, 6 மணிக்கே முதல்காட்சி துவங்கிவிட்டது. படத்திற்கு கலவையான விமர்சனங்கள் வருகின்றன. குறிப்பாக இந்தப்படம் ‛ஏ' சான்று பெற்று இருப்பதால் குழந்தைகள் மற்றும் குடும்பத்தினர் உடன் பார்க்க முடியாத சூழல் ஏற்பட்டுள்ளது.

தமிழகத்தில் முதல்காட்சி முடிந்ததும் படம் எப்படி இருக்கும் என்ற நிலவரம் தெரியவரும். தொடர்ந்து மூன்று நாட்கள் விடுமுறை வேறு வருவதால் படத்திற்கான முன்பதிவும் ஆன்லைனில் சிறப்பாகவே உள்ளது. அதனால் நான்கு நாட்களிலேயே படத்தின் வசூல் 300 முதல் 400 கோடியை தாண்ட வாய்ப்புள்ளது.

• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி
• 
  'திரிஷ்யம் 3' படத்திலிருந்து விலகிய அக்ஷய் கண்ணா ; சம்பள பிரச்னை காரணமா ?
• 
  ஜனவரி 23-ல் நெட் பிளிக்ஸில் தேரே இஸ்க் மே
• 
  2025ல் நம்பர் 1 வசூல் - 'காந்தாரா சாப்டர் 1'ஐ முந்திய 'துரந்தர்'

• 
  டிரெயின்-ல் ஸ்ருதிஹாசன் பாடிய கன்னக்குழிக்காரா
• 
  ரஜினிக்காக மட்டுமே அதை செய்தேன் : சொல்கிறார் உபேந்திரா
• 
  மறு தணிக்கைக்கு செல்லும் பராசக்தி
• 
  வருட இறுதியில் ஓடிடியில் மகிழ்விக்க வரிசைக்கட்டும் 'புதுப்படங்கள்'..!
• 
  குரு சோமசுந்தரம், அனுமோல் இணைந்து நடிக்கும் பாரிஸ் கபே