காதலுக்காக பாலினத்தை மாற்றும் ஜோடி: சரீரம் படக்கதை இதுதான் - A couple who changes gender for love This is the story of the film Sareeram

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

காதலுக்காக பாலினத்தை மாற்றும் ஜோடி: 'சரீரம்' படக்கதை இதுதான்

17 செப், 2025 - 11:36 IST

எழுத்தின் அளவு:

ஜி.வி.பி. பிக்சர்ஸ் சார்பில் ஜி.வி.பெருமாள் எழுதி, தயாரித்து, இயக்கி உள்ள படம் 'சரீரம்'. புதுமுகங்கள் தர்ஷன், சார்மி நாயகியாக நடித்துள்ள இப்படத்தில் ஜே.மனோஜ், பாய்ஸ் ராஜன், ஷகீலா, மதுமிதா, புதுப்பேட்டை சுரேஷ், கவுரி, லில்லி, மிலா ஆகியோருடன் இயக்குநர் ஜி.வி.பெருமாள் முக்கிய கதாப்பாத்திரத்தில் நடித்துள்ளார். வி.டி. பாரதிராஜா இசை அமைத்துள்ளார். வருகிற 26ம் தேதி வெளியாகிறது.

படம் பற்றி இயக்குனர் ஜி.வி.பெருமாள் கூறும்போது, ''கடவுள் ஒவ்வொருவருக்கும் தந்த தனிக்கொடை தான் 'சரீரம்'. அதன் அருமை யாருக்கும் புரிவதில்லை, தன் சரீரத்தை மாற்றிக்கொள்ளும் உரிமை எவருக்குமில்லை, இந்த கருத்தை ஆழமாக பேசும் படைப்பாகவும் இளமை துள்ளும் காதல் படைப்பாகவும் இது இருக்கும்.

ஒரு காதல் ஜோடி, அவர்களின் காதலுக்கு குடும்பமே எதிர்ப்பு தெரிவிக்க, வாழ வழி தெரியாமல், காதலுக்காக ஆண் பெண்ணாகவும், பெண் ஆணாகவும் தங்கள் பாலினத்தையே மாற்றிக்கொள்கிறார்கள். அந்த காதல் ஜோடியை இந்த சமூகம் ஏற்றுக் கொண்டதா? இல்லையா?. அவர்களின் விதி என்னவானது என்பது தான் படத்தின் கதை.

இதுவரை திரையில் காதலுக்காக, பேச்சு முதல் இதயம் வரை பலவற்றை தியாகம் செய்ததாக பல படங்கள் வந்துள்ளது ஆனால் சரீரத்தை தியாகம் செய்யும் காதலர்களின் கதையை சொல்லும் முதல் படமாக இப்படம் உருவாகியுள்ளது'' என்றார்.

SareeRam

சரீரம்

கருத்துகள் (0) கருத்தைப் பதிவு செய்ய

தமிழில் ரீமேக் ஆன ஸ்ரீலீலா படம்; ...

'கூலி' பைனல் வசூல் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய