Dinamalar

'ஜனநாயகன் முதல் பியார் பிரேமா கல்யாணம்' வரை: இந்த வார ஓடிடி பட்டியல் வெளியீடு...!

தமிழக முதல்வர் ஜோசப் விஜய் நடிப்பில் வெளியான கடைசி படமான 'ஜனநாயகன்' முதல் பல காதல் படங்கள் இந்த வாரம் ஓடிடியில் வெளியாகவுள்ளது.

ஜனநாயகன்
இயக்குநர் எச்.வினோத் இயக்கத்தில் தமிழக முதல்வர் விஜய் நடிப்பில் வெளியாகி ரசிகர்கள் மத்தியில் சுமாரான வரவேற்பை பெற்ற திரைப்படம் 'ஜனநாயகன்'. இந்த படத்தில் மமிதா பைஜு, பூஜா ஹெக்டே, பாபி தியோல், பிரகாஷ் ராஜ், கவுதம் வாசுதேவ், நரேன், பிரியாமணி ஆகியோர் நடித்தனர். 300 கோடி வசூலை ஈட்டிய இந்த திரைப்படம் விஜயின் கடைசி படமாக அமைந்ததால், தியேட்டரில் அவரது ரசிகர்கள் கண்ணீர் மல்க படத்தைப் பார்த்து ரசித்தனர். மேலும் தற்போது அவர்களுக்கு ஒரு வாய்ப்பாக நாளை (ஆக.21ம் தேதி) ஜீ5 தளத்தில் வெளியாகிறது.

பியார் பிரேமா கல்யாணம்
இயக்குநர் இளன் இயக்கி, ஹீரோவாக அறிமுகமாகும் திரைப்படம் 'பியார் பிரேமா கல்யாணம்'. இதில் சான்வி மேக்னா, ராதிகா சரத்குமார், யோகி பாபு, எம்.எஸ்.பாஸ்கர், கீதா கைலாசம், இளங்கோ குமாரவேல் ஆகியோர் நடித்துள்ளனர். இந்த படம் நாளை ஆக.21ம் தேதி நெட்பிளிக்ஸ் தளத்தில் நேரடியாக வெளியாகிறது.

சென்னை லவ் ஸ்டோரி
தெலுங்கு இயக்குநர் ரவி நம்புரீ இயக்கத்தில் கிரண் அப்பாவரம், ஸ்ரீ கவுரி பிரியா ஆகியோர் நடிப்பில் வெளியான திரைப்படம் 'சென்னை லவ் ஸ்டோரி'. இந்த படம் வெளியாகி ரூ.50 கோடிக்கும் மேல் வசூல் செய்ததாகப் படக்குழு சார்பில் அதிகாரப்பூர்வமாக அறிவிக்கப்பட்டது. இந்த படம் நாளை (ஆக.21ம்) சோனி லைவ்வில் வெளியாகவுள்ளது.

மிஸ்டர் மிடில் கிளாஸ்
தெலுங்கு இயக்குநர் ஜி.நாகேஸ்வர ரெட்டி இயக்கத்தில், நடிகர் மேகா ஸ்ரீகாந்த், லயா கோர்ட்டி ஆகியோர் நடிப்பில் வெளிவந்த திரைப்படம் ' மிஸ்டர் மிடில் கிளாஸ்'. இந்த திரைப்படம் பிரைம் வீடியோவில் வெளியாகியுள்ளது.

என் வழி தனி வழி
மலையாள இயக்குநர் பி.ஜெரின் இயக்கத்தில் ஹேமா, அபிலாஷ் நரிக்குனி, பிந்து பாலா, ஜோபன் ஜேக்கப் ஆகியோர் நடிப்பில் வெளியான திரைப்படம் என் வழி தனி வழி'. இந்த படம் ஆக.18ம் தேதி ஹூங்கமா தளத்தில் வெளியாகியுள்ளது.

• 
  சல்மான் கானுக்கு பதிலாக இந்த வார பிக்பாஸ் நிகழ்ச்சியில் புதிய பிரபலம்
• 
  துப்பாக்கிச்சூடு: டைகர் ஷெராப்-க்கு முன்பு சல்மான்கான்தான் முதல் ...
• 
  ராமாயணா : வரி விலக்கு அளித்த மேற்கு வங்க முதல்வர்
• 
  தங்கள் குழந்தைக்கு தேவி என்று பெயர் வைத்த ரன்வீர், தீபிகா
• 
  'கந்தசாமி' விக்ரம் பாணியில் நடிக்கும் நவாசுதீன் சித்திக்

• 
  ‛மூக்குத்தி அம்மன் 2' டிரைலர் வெளியீடு
• 
  அதை 8வது டேக்குல வந்து சொல்றீங்க பாருங்க.. பக்ஸை கலாய்த்த ரஜினிகாந்த்
• 
  ஜெயிலர் 2 பார்க்க முழு தியேட்டரையும் புக் செய்த கிரிக்கெட் வீரர் சஞ்சு ...
• 
  'இந்தியன் 3' : ஷங்கரின் கோரிக்கையை நிராகரித்த லைகா நிறுவனம்!
• 
  சூர்யாவை இயக்கும் ராம் சரண் பட இயக்குனர்!