Dinamalar

அக்டோபர் 23ல் எத்தனை படங்கள் ரிலீஸ் ?

2026ம் ஆண்டில் அதிக வசூலைக் குவித்து வரும் படமாக கடந்த வாரம் வெளியான ரஜினிகாந்த் நடித்த 'ஜெயிலர் 2' படம் இருக்கிறது. நீண்ட ஒரு இடைவெளிக்குப் பிறகு ரசிகர்கள் குடும்பம் குடும்பமாக வந்து இந்தப் படத்தைப் பார்ப்பதாக பல தியேட்டர்காரர்கள் அதிகாரப்பூர்வமாகவே அறிவித்துள்ளார்கள்.

பொதுவாக முன்னணி நடிகர்களின் படங்கள் வெளிவரும் போது ஒரு வாரம் முன்பும், ஒரு வாரம் பின்பும் வேறு புதிய படங்களை வெளியிடத் தயங்குவார்கள். அதிலும் 'ஜெயிலர் 2' போல ஒரு படம் ஓடி வரும் போது வேறு படத்தைத் தியேட்டர்காரர்களும் திரையிட மாட்டார்கள்.

இருப்பினும் நாளை வெள்ளிக்கிழமை அக்டோபர் 23ம் தேதி “டெலிவரி பாய், ஹைக்கூ, விடியும் காத்திரு' உள்ளிட்ட படங்கள் வெளியாகும் என முன்பே அறிவித்திருந்தார்கள். 'ஜெயிலர் 2' படம் வெற்றிகரமாக ஓடிக் கொண்டிருக்கும் சூழலில் தங்களது 'டெலிவரி பாய்' பட வெளியீட்டை நவம்பர் 27ம் தேதிக்குத் தள்ளி வைப்பதாக தயாரிப்பு நிறுவனம் நேற்று அறிவித்தது.

அதனால், நாளை 'ஹைக்கூ, விடியும் காத்திரு' ஆகிய படங்கள் மட்டுமே வெளியாக உள்ளது. 'ஹைக்கூ' படத்திற்கான பத்திரிகையாளர் காட்சியும் நேற்று நடந்துவிட்டது. எனவே, படம் நாளை கண்டிப்பாக வந்துவிடும். 'விடியும் காத்திரு' படத்திற்கு ஆன்லைன் முன்பதிவு ஆரம்பித்துவிட்டார்கள். இந்த நிலையில் நாளை (அக்.,23) மாலை 5 மணிக்கு டிரைலர் ரிலீஸ் செய்வதாக திடீரென அறிவித்துள்ளனர். டிரைலரே நாளைக்கு வெளியாக உள்ள நிலையில், படம் தள்ளிப்போகுமா என்பது தெரியவில்லை. அதுதான் இன்றைய நிலவரம்.

• 
  வீட்டிற்கு புல்லட் புரூப் கண்ணாடி பொருத்தும் அக் ஷய் குமார்
• 
  சல்மான் கானுக்கு பதிலாக இந்த வார பிக்பாஸ் நிகழ்ச்சியில் புதிய பிரபலம்
• 
  துப்பாக்கிச்சூடு: டைகர் ஷெராப்-க்கு முன்பு சல்மான்கான்தான் முதல் ...
• 
  ராமாயணா : வரி விலக்கு அளித்த மேற்கு வங்க முதல்வர்
• 
  தங்கள் குழந்தைக்கு தேவி என்று பெயர் வைத்த ரன்வீர், தீபிகா

• 
  அல்லு அர்ஜூனின் 'ராக்கா' படத்தின் ஓராண்டு கவுண்டவுன் போஸ்டர் விரைவில் ...
• 
  நானியின் 'தி பாரடைஸ்' நெட்பிளிக்ஸில் 5 மொழிகளில் வெளியானது!
• 
  'ஜெயிலர் 2'வில் நடிக்க ஹிருத்திக் ரோஷன் சம்பளமே வாங்கவில்லையா?
• 
  'சீன்' படத்தில் கண் பார்வை இல்லாத வேடத்தில் நடிக்கிறாரா சூர்யா?- ஜீத்து ...
• 
  ஓடிடி, சாட்டிலைட் உரிமையில் புதிய சாதனை படைத்த 'ராமாயணா'