Dinamalar

ஆனந்தி திருமணம் செய்து கொண்டது யாரை தெரியுமா?

தெலுங்கு படத்தில் நடித்து பொறியாளன் படத்தின் மூலம் தமிழுக்கு வந்தவர் ஆனந்தி. பிரபுசாலமன் இயக்கிய கயல் படம் தோல்வி அடைந்தாலும் ஆனந்திக்கு அடையாளம் கொடுத்தது. அதன் பிறகு விசாரணை, பரியேறும் பெருமாள், இரண்டாம் உலகப்போரின் கடைசி குண்டு உள்பட பல படங்களில் நடித்தார். வளர்ந்த வரும் நிலையில் ஆனந்தி நேற்று திடீரென திருமணம் செய்து கொண்டது அனைவரையும் அதிர்ச்சி அடைய வைத்துள்ளது.

ஆனந்தியின் சொந்த ஊரான தெலுங்கானா மாநிலம் வாரங்கல்லில் நடந்த இந்த திருமணத்தில் நெருங்கிய உறவினர்கள், நண்பர்கள் மட்டுமே கலந்து கொண்டனர். தயாரிப்பாளர்கள் ஜே.சதீஷ்குமார், அம்மா கிரியேஷன் சிவா உள்ளிட்ட ஒரு சிலர் கலந்து கொண்டிருக்கிறார்கள்.

ஆனந்தி திருமணம் செய்து கொண்டிருப்பது சாக்ரட்டீஸ் என்பவர். இவர் ஆனந்தியின் உறவினர் என்றும் பெற்றோர்கள் பார்த்து முடிவு செய்த திருமணம் என்றே கூறப்பட்டது. ஆனால் அது உண்மை அல்ல. இது காதல் திருமணம்.

சாக்ரட்டீஸ் இயக்குனர் நவீனின் மைத்துனர். நவீன் இயக்கிய அலாவுதீனின் அற்புத கேமரா படத்தில் சாக்ரட்டீஸ் இணை இயக்குனராக பணியாற்றினார். இந்தப் படத்தில் ஆனந்தி நடித்தார். அப்போது இருவருக்கும் காதல் உருவாகி உள்ளது. அதுதான் இப்போது திருமணத்தில் முடிந்துள்ளது. சாக்ரட்டீஸ் தற்போது நவீன் இயக்கும் அக்னி சிறகுகள் படத்தில் இணை இயக்குனராக பணியாற்றி வருகிறார். அடுத்து ஒரு படத்தை தனியாக இயக்க இருக்கிறார். இதனை அம்மா கிரியேஷன் சிவா தயாரிக்கிறார்.

• 
  ஷாருக்கான் மகன் டைரக்ஷனில் சிறப்பு தோற்றத்தில் சல்மான்கான், ரன்வீர் சிங்
• 
  டிரோல்களுக்கு ஜான்வி கபூர் கொடுத்த விளக்கம்
• 
  அழகுக்கு அனன்யா பாண்டே தரும் ‛டிப்ஸ்'
• 
  சர்ச்சில் ரொமான்ஸ்: ஜான்வி கபூர் படத்திற்கு எதிர்ப்பு
• 
  வார் 2 : 300 கோடி வசூலித்ததாக அறிவிப்பு

• 
  ரித்விகா திருமணம் திடீரென தள்ளிவைப்பு
• 
  தீபாவளிக்கு பிரதீப் ரங்கநாதனின் 2 படங்கள் போட்டி
• 
  இல்லங்களை ஆக்கிரமிக்க போகும் இந்த வார ஓடிடி ரிலீஸ்...!
• 
  சைபர் கிரைம் நடவடிக்கை : பிரபாஸ் பட தயாரிப்பாளர் எச்சரிக்கை
• 
  அரசியல் பேசி சினிமா நண்பர்களை இழக்க விரும்பவில்லை : ‛உயிருள்ள வரை உஷா' ...