Dinamalar

ஓடிடியில் 'ஜகமே தந்திரம்' : தனுஷ் ஆசையை நிராகரித்த தயாரிப்பாளர்

கார்த்திக் சுப்பராஜ் இயக்கத்தில் சந்தோஷ் நாராயணன் இசையமைப்பில் தனுஷ், ஐஸ்வர்ய லெட்சுமி மற்றும் பலர் நடித்துள்ள படம் 'ஜகமே தந்திரம்'. இப்படம் ஓடிடியில் வெளியாகும் என்பதை இன்று வெளியான டீசருடன் அறிவித்துள்ளார்கள்.

கடந்த சில வாரங்களாகவே இப்படம் ஓடிடி தளத்தில் வெளியாகும் என செய்திகள் வெளிவந்தன. படத்தின் நாயகன் தனுஷ் கூட, “தியேட்டர் ஓனர்கள், வினியோகஸ்தர்கள், சினிமா ரசிகர்கள் மற்றும் என்னுடைய அனைத்து ரசிகர்களுக்குமாக 'ஜகமே தந்திரம்' படம் தியேட்டர்களில் வெளியாகும் என எதிர்பார்க்கிறேன்,” என்று கூறியிருந்தார்.

ஆனால், தனுஷ் ஆசையை நிராகரிக்கும் வகையில் படத்தின் தயாரிப்பாளர் சஷிகாந்த் படத்தை நெட்பிளிக்ஸ் தளத்திற்கு விற்றுவிட்டார். அத்தளத்தில் நேரடியாக வெளியாகும் முதல் பெரிய படம் இது என்பது குறிப்பிடத்தக்கது.

“ஜகமே தந்திரம்' ஓடிடி தளத்தில் வெளியானால் அடுத்து வெளியாக உள்ள 'கர்ணன்' படத்திற்கு ஏதாவது சிக்கல் வரும் என்பதால்தான் தனுஷ் அப்படி தியேட்டர்காரர்களுக்கு ஆதரேவாக டுவீட் போட்டார் என்றும், 'ஜகமே தந்திரம்' ஓடிடி அறிவிப்பு வெளியாவதற்கு முன்பே 'கர்ணன்' வெளியீட்டுத் தேதியை அறிவித்தார்கள் என்றும் கோலிவுட்டில் கிசுகிசுக்கிறார்கள்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்