Dinamalar

'தலைவி' - யார், யார் எந்த கதாபாத்திரங்களில்...

'பயோகிராபி' படமென்றால் யாரைப் பற்றிப் படமெடுக்கிறார்களோ அவருக்குப் பொருத்தமான கதாபாத்திரத் தேர்வு இருக்க வேண்டும். அப்படி இருந்தால் அதுவே படத்திற்கான பாதி வெற்றியைக் கொடுத்துவிடும்.

மறைந்த முன்னாள் முதல்வர் ஜெயலலிதாவின் வாழ்க்கை வரலாற்றுப் படத்தில் ஹிந்தி நடிகை கங்கனா ரணவத் நடிக்கிறார் என்ற அறிவிப்பு வந்த போதே பலரும் ஆச்சரியப்பட்டார்கள். ஜெயலலிதாவின் தோற்றத்திற்கும் கங்கனாவின் தோற்றத்திற்கும் பொருத்தமாக இல்லையே என்ற குரல்தான் அதிகம் ஒலித்தது.

ஆனால், இன்று படத்தின் டிரைலரைப் பார்த்ததும் அந்தக் குறையும் தெரியாமல் போயிருக்கும். அந்த அளவிற்கு தன்னுடைய நடிப்பால் ஜெயலலிதா கதாபாத்திரத்தை பிரதிபலித்திருக்கிறார் கங்கனா.

படத்தில் எம்ஜிஆர் கதாபாத்திரத்தில் அரவிந்த்சாமி, ஆர்எம் வீரப்பன் கதாபாத்திரத்தில் சமுத்திரக்கனி, ஜெயலலிதாவின் அம்மா சந்தியா கதாபாத்திரத்தில் ஹிந்தி நடிகை பாக்யஸ்ரீ, எம்ஜிஆரின் மனைவி ஜானகி கதாபாத்திரத்தில் மதுபாலா ஆகியோர் நடிக்கிறார்கள்.

ஜெயலலிதாவின் குடும்பத்திற்கு நெருக்கமானவராக இருந்த ஒருவரது கதாபாத்திரத்தில் தம்பி ராமையா நடித்திருக்கிறார்.

முக்கிய கதாபாத்திரங்களான கருணாநிதி கதாபாத்திரத்தில் நாசர் நடிக்கிறார். ஆனால், டிரைலரில் அவர் தோற்றத்தை சில வினாடிகள் மட்டுமே காட்டுகிறார்கள்.

சசிகலா கதாபாத்திரத்தில் பூர்ணா நடிக்கிறார். ஆனால், அவரது காட்சிகள் தமிழ் டிரைலரில் ஒரு வினாடி கூட வரவில்லை. அதே சமயம் ஹிந்தியில் ஒரு காட்சியில் ஜெயலலிதா பின்னாடி நிற்பது போலக் காட்டுகிறார்கள்.

தற்போது தேர்தல் நேரம் என்பதால் இந்தப் படத்தின் டிரைலர் பரபரப்பை ஏற்படுத்தலாம். இருந்தாலும் தமிழ் டிரைலரை விட ஹிந்தி டிரைலர்தான் பார்வைகளில் முந்துகிறது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்
• 
  அரசியலுக்கு வந்தால் சாதிக்கு எதிரான கட்சி தொடங்குவேன் : மாரி செல்வராஜ்
• 
  கேரளாவில் ஜனநாயகன் முதல் நாள் முதல் காட்சி 6 மணிக்கு தான்