Dinamalar

ஓட்டுச் சாவடியில் ரசிகரின் செல்போனை பறித்த அஜித் : பின்பு மன்னிப்பும் கேட்டார்

தமிழக சட்டசபை தேர்தலுக்கான ஓட்டுப்பதிவு இன்று காலை 7 மணிக்கு தொடங்கியது. இந்த தேர்தலில் புதுமையாக திரைப்பட நட்சத்திரங்கள் தாங்கள் எந்த வாக்குசாவடியில் எத்தனை மணிக்கு ஓட்டளிக்க இருக்கிறோம் என்பதை முன்னதாகவே அறிவித்து விட்டார்கள்.

அஜித் இன்று அதிகாலையிலேயே திருவான்மியூர் குப்பம் ரோட்டில் உள்ள மாநகராட்சி பள்ளியில் அமைந்துள்ள ஓட்டுச் சாவடிக்கு ஓட்டளிக்க வந்தார். அஜித்தின் வரவை எதிர்பார்த்துக் கொண்டிருந்த ரசிகர்கள் அவரை சூழ்ந்து கொண்டனர். சிலர் செல்பி எடுக்க முயன்றனர். அஜித் அவர்களை சைகையால் வெளியில் போகச் சொன்னார். பின்னர் வந்த போலீசார் கூட்டத்தை விலக்கி ரசிகர்களை வெளியேற்றி கேட்டை பூட்டினார்கள்.

பின்னர் அஜித் தனது மனைவி ஷாலினியுடன் வரிசையில் காத்திருந்தபோது ஒரு ரசிகர் செல்பி எடுக்க மொபைல் போனுடன் அவர் அருகில் வந்தார். அப்போது அவருடைய போனை பறித்துவிட்டார். அஜித்தின் இந்தச் செயலால் அங்கிருந்தவர்கள் அதிர்ச்சி அடைந்தார்கள்.

பின்னர் சிறிது நேரத்திற்கு பிறகு அந்த ரசிகரை அழைத்த அஜித், அவரை அருகில் அழைத்து செல்போனை திருப்பிக் கொடுத்துவிட்டு, இதுபோன்ற இடங்களில் பொதுமக்களுக்கு இடையூறு ஏற்படுத்தக்கூடாது என்று அறிவுரை கூறினார். ஓட்டளித்து விட்டீர்களா என்று அந்த இளைஞரை கேட்டார். அதற்கு அந்த இளைஞர் இல்லை என்று சொல்வே. முதலில் அந்த கடமையை முடியுங்கள் என்று கூறி அனுப்பி வைத்தார்.

ஓட்டுப்பதிவு முடிந்ததும் வெளியில் வந்த அஜித் பொதுமக்கள், ரசிகர்கள் பத்திரிகையாளர்களை பார்த்து சாரி... சாரி... என்று திரும்ப திரும்ப கூறியபடியே கிளம்பிச் சென்றார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  ஹீரோவாக மாறும் காமெடியன் ரவி மரியா: ஹீரோயின் தேடும் பணி தீவிரம்
• 
  ஜனநாயகன் முதல் காட்சி டிக்கெட் விலை எவ்வளவு : இதுதான் கோலிவுட்டில் ஹாட் ...
• 
  சரஸ்வதி பட படப்பிடிப்பை நிறைவு செய்த வரலட்சுமி
• 
  ஊட்டுகுளங்கரா பகவதி கோவிலில் அஜித் வழிபாடு
• 
  கண்ணீரை வரவழைத்தது : சிறை படத்தை பாராட்டிய இயக்குனர் ஷங்கர்