Dinamalar

நிறைவேறாமல் போன 'கோ' குழுவினரின் ஆசை

திடீரென மாரடைப்பால் இன்று மறைந்த இயக்குனர் கே.வி.ஆனந்த் மறைவு திரையுலகினரை அதிர்ச்சியில் ஆழ்த்தியுள்ளது. இயக்குனர் எஸ்.பி.ஜனநாதன், நடிகர் விவேக் ஆகியோரது அகால மரணம் அதிர்ச்சியை ஏற்படுத்தியது போலவே இவரது மரணமும் அதிர்ச்சியை ஏற்படுத்தியுள்ளது.

கே.வி.ஆனந்த் இயக்கத்தில் வெளிவந்த படங்களில் 'கோ' ஒரு முக்கியமான படம். ஒரு பரபரப்பான அரசியல் படமாக பத்து வருடங்களுக்கு முன்பு 2011ம் ஆண்டு ஏப்ரல் 22ம் தேதியன்று இப்படம் வெளியானது. பத்து வருடத்தை நினைவு கூறும் வகையில் படத்தில் கதாநாயகியாக அறிமுகமான நடிகை கார்த்திகா நாயர் கடந்த வாரம் 'கோ' படப்பிடிப்புப் புகைப்படங்கள் சிலவற்றைப் பதிவிட்டு நினைவு கூர்ந்திருந்தார்.

அந்தப் புகைப்படங்களில் இயக்குனர் கே.வி.ஆனந்த் இல்லை. அதனால், 'நான் எங்கே ?' என கார்த்திகாவின் டுவீட்டில் கமெண்ட் போட்டிருந்தார். அதற்கு கார்த்திகா, “நாம் ஒரு ரியூனியன் நடத்தி நிறைய புகைப்படங்கள் எடுப்போம்” என பதிலளித்திருந்தார்.

இந்த சுவாரசியமான டுவிட்டர் பதிவுகள் நடந்து ஒரு வாரம் ஆகியுள்ள நிலையில் கே.வி.ஆனந்த் மறைவு பலருக்கும் அதிர்ச்சியைக் கொடுத்துள்ளது.

“இது பொய்யான செய்தி என யாராவது சொல்லுங்களேன் ப்ளீஸ், இதை நம்ப குழப்பமாக இருக்கிறது,” என கே.வி.ஆனந்த் மரண செய்தி கேட்டு அதிர்ச்சியுடன் பகிர்ந்துள்ளார் கார்த்திகா.

கே.வி.ஆனந்த் இயக்கிய படங்களில் பணியாற்றிய பிரபலங்களுக்கு அவரது மரணம் கடும் அதிர்ச்சியை ஏற்படுத்தியுள்ளது..

• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...

• 
  திறமையை மட்டும் பாருங்க : மாளவிகா மோகனன் கோபம்
• 
  'முத்து என்கிற காட்டான்' : விஜய் சேதுபதி, மணிகண்டன் வெப்தொடரின் தலைப்பு
• 
  மாவீரன் இரண்டாம் பாகத்தில் நடிக்க விரும்பும் சிவகார்த்திகேயன்
• 
  தாய்லாந்தில் ரஜினி செய்த செயல் : ஐதராபாத்தில் வியந்து பேசிய நாகர்ஜூனா
• 
  கணவர் உடனான போட்டோக்கள் நீக்கம் : விவாகரத்து முடிவில் ஹன்சிகா?