Dinamalar

எனது பழைய போட்டோக்களை பகிராதீர்கள்: மும்தாஜ் வேண்டுகோள்

டி.ராஜேந்தரால் 'மோனிஷா என் மோனாலிசா' என்ற படத்தின் மூலம் சினிமாவில் அறிமுகமானவர் மும்தாஜ். அதன் பிறகு 'குஷி', 'சாக்லேட்', 'லண்டன்' உள்பட பல படங்களில் நடித்தார். நாயகி வாய்ப்புகள் குறையவே கவர்ச்சி வேடங்களிலும் நடித்தார்.

சில வருடங்களுக்கு முன்பு படங்களில் நடிப்பதை நிறுத்திவிட்டு ஆன்மிக விஷயங்களில் நாட்டம் காட்டினார் . இஸ்லாமிய மதத்தைச் சேர்ந்த அவர் இஸ்லாமியர்களின் முக்கிய கடமையான ஹஜ் கடமையை முடித்து முழுமையான இஸ்லாமிய பெண்ணாக மாறியிருக்கிறார்.

என்றாலும் அவரது பழைய கவர்ச்சி படங்கள் இன்னமும் இணையத்தளங்களில் பகிரப்பட்டு வருகிறது. 'எனது பழைய படங்களை பகிராதீர்கள்' என்று மும்தாஜ் ரசிகர்களுக்கு வேண்டுகோள் விடுத்துள்ளார். இதுகுறித்து அவர் கூறியிருப்பதாவது :

16 வயதில் சினிமாவுக்கு வந்தேன் பல படங்களில் நடித்தேன். சினிமாவில் நடிப்பது என்பது ஒரு தொழில் ஒரு கேரக்டராக மாறி அந்த கேரக்டரில் நடிப்பதோடு நமது பணி முடிந்து விட்டது என்று கருதினேன்.

இஸ்லாமிய பெண்ணான நான் திரைப்படங்களில் நடிப்பது இஸ்லாமிய கோட்பாடுகளுக்கு எதிரானது என்பதை புரிந்து கொண்டு நடிப்பதை நிறுத்த முடிவு செய்தேன். என்றாலும் நடிப்பு தவிர எனக்கு வேறு எதுவும் தெரியாததால், சில உடைகளை அணிய மாட்டேன், சில கேரக்டர்களில் நடிக்க மாட்டேன் என்று சொன்னேன். அதனை மற்றவர்கள் ஏற்பதாக இல்லை. அதனால் திரைப்படங்களில் நடிப்பதை நிறுத்திக் கொண்டேன்.

இப்போது சாதாரண ஒரு இஸ்லாமிய பெண்ணாக குர்ஆன் ஓதுவது, ஹிஜாப் அணிவது, எளிய உணவுகளை உட்கொள்வது என அமைதியான வாழ்க்கை வாழ்ந்து வருகிறேன். இது எனக்கு மிகவும் பிடித்திருக்கிறது.

என்னை நேசிக்கிற மக்களுக்கு ஒரே ஒரு வேண்டுகோள், என்னோட பழைய போட்டோஸ், வீடியோஸை ஷேர் பண்ணாதீங்க. என் மனமாற்றத்துக்கு மதிப்பு கொடுங்க. என் வயசுக்கு, என் உடைக்கு, என் உணர்வுகளுக்கு மதிப்பு கொடுங்க'' என்று கூறியிருக்கிறார்.

• 
  நடிகர் பிரித்விராஜின் தார்யா ஹிந்தி படப்பிடிப்பு நிறைவு
• 
  புகையிலை விளம்பரத்திற்கு ரூ.40 கோடி: தைரியமாக மறுத்த சுனில் ஷெட்டி
• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்

• 
  போர்ச்சுக்கல் நாட்டிற்கு ஹனிமூன் சென்ற சமந்தா- ராஜ் நிடிமொரு!
• 
  காத்திருங்கள்: அஜித்தின் 'மங்காத்தா' விரைவில் ரீ ரிலீஸ்!
• 
  தனுஷ் 54வது படத்தின் டைட்டில் போஸ்டர் எப்போது?
• 
  கதையின் நாயகியாக மாறிய தனுஷ் பட நடிகை!
• 
  ரியோ ராஜின் 'ராம் இன் லீலா' முதற்கட்ட படப்பிடிப்பு நிறைவு!