Dinamalar

‛என்னடி முனியம்மா...' பாடல் புகழ் டி.கே.எஸ்.நடராஜன் மறைவு

நடிகரும், என்னடி முனியம்மா பாடல் புகழ் பாடகருமான டி.கே.எஸ்.நடராஜன்(87) உடல்நலக் குறைவால் இன்று(மே 5) காலை 6.30 மணிக்கு காலமானார்.

டி.கே.எஸ். கலைக்குழுவில் சேர்ந்து நாடகங்களில் நடித்து வந்த நடராஜன், அந்த குழுவில் இருந்ததால் டி.கே.எஸ்.நடராஜன் என அழைக்கப்பட்டார். தொடர்ந்து மேடை நாடகங்களில் நடித்தும், பாடியும் வந்தார். 1954ல் ரத்த பாசம் என்ற படம் மூலம் சினிமாவில் நடிகராக களமிறங்கினார். தொடர்ந்து சின்ன வேடங்களில் 50 ஆண்டுகளுக்கு மேலாக 500க்கும் மேற்பட்ட படங்களில் நடித்துள்ளார். ஏராளமான மேடை கச்சேரிகளிலும் பாடி உள்ளார்.

1984ம் ஆண்டு சங்கர் கணேஷ் இசையில் வெளியான வாங்க மாப்பிள்ளை வாங்க என்ற படத்தில் இடம் பெற்ற, ‛என்னடி முனியம்மா உன் கண்ணுல மைய்யி' என்ற பாடல் மூலம் இன்னும் பிரபலமானார் நடராஜன். இதேப்போன்று பல நாட்டுப்புற பாடல்களை அவர் பாடி உள்ளார். இதே என்னடி முனியம்மா பாடல் அர்ஜுன் நடித்த வாத்தியர் படத்தில் ரீ-மேக் ஆனது. அதிலும் பாடி, ஆடியிருந்தார் நடராஜன்.

சென்னை மேற்கு சைதாப்பேட்டையில் நடராஜனின் உடல் அஞ்சலிக்காக வைக்கப்பட்டுள்ளது. மாலை 5மணிக்கு அன்னாரது இறுதிச்சடங்கு நடக்கிறது.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி