Dinamalar

குறும்படத்தில் பவித்ரா லட்சுமி

கோயம்புத்தூர் பொண்ணு பவித்ர லட்சுமி. மாடலிங் துறையில் இருந்த இவர் மெட்ராஸ் குயின் பட்டம் வென்றதும் கவனிக்கப்பட்டார். விஜய் தொலைக்காட்சியில் ஒளிபரப்பான நீங்களும் ஆகலாம் பிரபுதேவா நிகழ்ச்சி மூலம் சின்னத்திரைக்கு வந்தார். குக் வித் கோமாளி 2வது சீசன் மூலம் மேலும் புகழ்பெற்றார்.

இதனால் அவருக்கு சினிமாவில் நடிக்கும் வாய்ப்பு வந்தது. மலையாளத்தில் உல்லாசம் என்ற படத்தில் நடித்தார். தமிழில் காமெடி நடிகர் சதீஷ் ஹீரோவாக நடிக்கும் படத்தில் நாயகியாக நடித்து வருகிறார். இதுதவிர சில படங்களில் நடிக்க பேச்சுவார்த்தை நடந்து வரும் நிலையில் தற்போது ஏனென்றால் காதல் என்பேன் என்ற குறும் படத்தில் நடித்துள்ளார். இது யு டியூப்பில் வெளியாகி உள்ளது.

விஜய் தங்கய்யன் என்ற இளைஞர் இயக்கி நடித்துள்ளார். இதுபற்றி அவர் கூறியதாவது: நவயுக காதலர்களின் உணர்வுகளை மெலிதான நகைச்சுவையுடன் படமாக்கியிருக்கும் குறும்படம். அதுமட்டுமல்லாமல், மிக மென்மையான காதலெனும் உணர்வை மிக நேர்த்தியாகக் கையாண்டிருக்கிறோம். அதற்காக கதாபாத்திரங்களை வலுவானதாகக் கட்டமைத்துள்ளோம். பவித்ரா லட்சுமிக்கு தமிழ் சினிமாவில் வலுவான இடம் அமைத்து தர இந்த குறும்படம் அவருக்கு ஒரு படிக்கட்டாக இருக்கும். என்றார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்