Dinamalar

என்றும் ராஜா தான் - இளையராஜாவுக்கு வயசு 78

இசைக்கு ராஜாவாக நான் என்றும் ராஜா என நிரூபித்தவர் இசையமைப்பாளர் இளையராஜா. அவரின் 78வது பிறந்த தினம் இன்று. தேனி மாவட்டம் பண்ணைபுரத்தில், 1943, ஜூன் 2ம் தேதி பிறந்தவர் இளையராஜா. இயற்பெயர் ராசய்யா. சிறு வயதிலேயே ஆர்மோனியம், கிடார் வாசிப்பதில் தேர்ச்சி பெற்றார். தன் சகோதரர்கள் உடன் சேர்ந்து கச்சேரி மற்றும் நாடகங்களில் இசை அமைத்தார். 1976ல், அன்னக்கிளி படம் மூலம் இசை அமைப்பாளராக அறிமுகமானார்.

தமிழ், தெலுங்கு, மலையாளம், கன்னடம், ஹிந்தி உட்பட, 1,000த்துக்கும் மேற்பட்ட படங்களுக்கு இசை அமைத்துள்ளார். முதல்முறையாக, தமிழ் சினிமாவில், ஸ்டீரியோ முறையில் இசை அமைத்தார். ஏராளமான இசைத் தொகுப்புகளை வெளியிட்டு வருகிறார். பல நுால்கள் எழுதியுள்ளார். பத்மபூஷண், பத்மவிபூஷண் , கலைமாமணி உள்பட, ஏராளமான விருதுகள் பெற்றுள்ளார். சிறந்த இசை அமைப்பாளருக்கான தேசிய விருதை நான்கு முறை பெற்றுள்ளார். ஆன்மிகத்தில் அதிக நாட்டம் கொண்டவர். தன் தாய்க்கு, சொந்த ஊரில் கோவில் கட்டியுள்ளார்.

சினிமாவில் 40 ஆண்டுகளுக்கு மேலாக பயணித்து வருபவர் இளையராஜா. இன்றும் அரை டஜன் படங்களுக்கு மேல் இசையமைத்து வருகிறார். ஆயிரத்திற்கும் மேற்பட்ட படங்கள், ஐயாயிரத்திற்கும் மேற்பட்ட பாடல்கள், எத்தனையோ பாடலாசிரியர்கள், பாடகர்கள், பாடகிகள், இசைக்கலைஞர்கள், கோடிக்கணக்கான ரசிகர்கள் என அவர் பதித்த தடங்கள் ஏராளம், ஏராளம். எத்தனை சர்ச்சைகள் வந்தாலும் அதையெல்லாம் கடந்து தன் இசையால் ஒவ்வொரு நொடியும் மக்களை தன்னிலை மறக்க வைப்பவர் இளையராஜா. உலகம் முழுவதும் இசைக்கு பல வடிவங்கள் உண்டு. அது போல இசையின் ஒரு வடிவம் என்று இளையராஜாவின் இசையையும் சொல்ல வேண்டும். சினிமா இசையிலும் பல புதுமைகளைப் புகுத்தியவர் அவர்.

இன்று உலகமே கொரோனாவால் கடும் பாதிப்புக்கு உள்ளாகி உள்ளது. வீட்டிலேயே முடங்கி கிடந்தவர்களுக்கு நிச்சயம் இவரின் பாடல்களும், இசையும் மக்களை தாலாட்ட வைத்திருக்கும். இசை தெரிந்தவர்களும், ரசிக்கத் தெரிந்தவர்களும் இன்று இளையராஜாவுக்கு தங்களது வாழ்த்துகளைத் சமூகவலைதளங்களில் தெரிவித்துக் கொண்டிருக்கிறார்கள். குறிப்பாக சமூகவலைதளங்களில் இளையராஜாவுக்கு வாழ்த்துக்கள் குவிந்த வண்ணம் உள்ளது. இசை மழையில் நனைய விட்ட அவர் இன்றைய தினம் ரசிகர்களின் வாழ்த்து மழையில் நனைந்து கொண்டிருக்கிறார்.

மேலும் இளையராஜா பற்றிய பல சுவாரஸ்ய தகவல்களுக்கும் https://cinema.dinamalar.com/ilayaraja/ இந்த லிங்க்கை கிளிக் செய்யுங்கள்.

• 
  தேனீ வாயில் புகுந்ததால் கரிஷ்மா முன்னாள் கணவர் மரணம்?
• 
  இரண்டு மனைவிகளுடன் விவகாரத்து : வெளிப்படையாகப் பேசிய அமீர்கான்
• 
  கரிஷ்மா கபூர் முன்னாள் கணவர் திடீர் மரணம்
• 
  'பெங்கால் பைல்ஸ்' என டைட்டில் மாற்றப்பட்ட 'டெல்லி பைல்ஸ்'
• 
  தந்தையின் 70வது பிறந்தநாளில் 75 பாட்மின்டன் பயிற்சி மையங்களை துவங்கிய ...

• 
  லோகேஷ் கனகராஜ் இயக்கும் ‛கைதி -2' படத்தில் நடிக்கவில்லை! -அனுஷ்கா மறுப்பு
• 
  திரில்லர் கதையை படமாக்கும் பிரேம்குமார்! பிரதீப் ரங்கநாதன் நடிக்கிறார்!!
• 
  கமலின் 237வது படம் டிராப் ஆகிவிட்டதா?
• 
  சண்முக பாண்டியன் நடித்துள்ள ‛படை தலைவன்' படத்தின் இரண்டு நாள் வசூல் ...
• 
  ஸ்ரீ லீலாவுக்கு பிறந்தநாள் வாழ்த்து தெரிவித்து சுதா கொங்கரா வெளியிட்ட ...