தியேட்டர்களுக்கு அனுமதியில்லை : ஏமாற்றத்தில் திரையுலகினர்?

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

26 ஜூன், 2021 - 11:35 IST

எழுத்தின் அளவு:

Theaters-are-not-allowed-:-Cinema-people-disappointment

கொரோனா தொற்று இரண்டாவது அலையின் காரணமாக அறிவிக்கப்பட்ட ஊரடங்கிற்கான தளர்வுகள் ஒவ்வொரு வாரத்திற்குமாக அறிவிக்கப்பட்டு வருகிறது. அந்த விதத்தில், ஜுலை 5ம் தேதி வரையிலான தளர்வுகள் நேற்று அறிவிக்கப்பட்டன. அவற்றில் தியேட்டர்கள் திறப்பு குறித்து எந்தவித அம்சமும் இடம் பெறவில்லை.

கடந்த வார தளர்வுகளில் அறிவிக்கப்பட்ட படப்பிடிப்புக்கான அனுமதி, தியேட்டர்கள் பராமரிப்புக்கான அனுமதி ஆகியவை மட்டும் இந்த வாரமும் தொடர்கின்றன. தியேட்டர்களைத் திறக்க மாநில அரசு அனுமதி கொடுக்கும் என்று எதிர்பார்த்து காத்திருந்த திரையுலகினர் ஏமாற்றம் அடைந்தனர்.

புதிய அரசு பதவியேற்ற பிறகு திரையுலகத்தைச் சேர்ந்த சங்கங்களின் ஒட்டு மொத்த பிரதிநிதிகள் இன்னமும் சம்பந்தப்பட்ட அமைச்சரையோ, முதல்வரையோ சந்தித்து தங்களது கோரிக்கைகள் குறித்து பேசாமலேயே உள்ளதாக திரையுலகின் ஒரு பிரிவினர் குற்றம் சாட்டுகிறார்கள்.

சுமார் இரண்டு மாத காலமாக தியேட்டர்கள் மூடப்பட்டுள்ளன. இந்த இரண்டு மாதங்களில் மட்டும் சுமார் 50 படங்களாவது வெளியாகியிருக்கும். மேலும், சில முன்னணி நடிகர்களின் படங்களும் வெளியீட்டிற்குத் தயாராக உள்ளன. இதனால், தியேட்டர்களைத் திறக்கும் போது படங்களை வெளியிட கடும் போட்டி இருக்கும் என எதிர்பார்க்கப்படுகிறது.

இதனிடையே, எப்படியும் ஆகஸ்ட் மாதம் தியேட்டர்களைத் திறக்க அனுமதி கிடைத்துவிடும் என்ற நம்பிக்கையில் சில முன்னணி நடிகர்களின் படங்களை ஆகஸ்ட் 15ம் தேதியன்று வெளியிட திட்டமிட்டு வருவதாகவும் தகவல் வெளியாகி உள்ளது. இருப்பினும் அரசு அதிகாரப்பூர்வமாக அறிவிக்கும் போதுதான் திரையுலகினருக்கு நம்பிக்கை வரும்.

TNTheatres

Theatreowners

Tamilnadu

கருத்துகள் (0) கருத்தைப் பதிவு செய்ய

வேலைக்கு வர பயமாக உள்ளது : ஜனனி

ஷங்கர் இயக்கும் இரண்டு படங்களில் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய