Dinamalar

கணவர் கொடுத்த தைரியம் : பாதையை மாற்றிய காஜல் அகர்வால்

தமிழ், தெலுங்கு சினிமாவில் முன்னணி நடிகையாக இருப்பவர் காஜல் அகர்வால். தனது நீண்டகால காதலர் கவுதம் கிட்ச்லுவை திருமணம் செய்து கொண்ட பிறகு கதை தேர்வில் வித்தியாசம் காட்டி வருகிறார். கணவர், வேண்டாம் என்று ஒரு வார்த்தை சொன்னால் நடிப்புக்கு முழுக்கு போட்டுவிடுவேன் என்று காஜல் சமீபத்தில் தெரிவித்தார்.

காஜல் அகர்வால் தமிழ், தெலுங்கு தவிர்த்து இந்தி படங்களிலும் நடித்தார். ஆனால் கோலிவுட், டோலிவுட்டை போன்று அவரால் பாலிவுட்டில் முன்னணி நடிகையாக முடியவில்லை. இந்நிலையில் கதாநாயகிக்கு முக்கியத்துவம் உள்ள ஒரு பாலிவுட் படத்தில் நடிக்க ஒப்பந்தமாகியிருக்கிறார். உமா என்று தலைப்பு வைக்கப்பட்டிருக்கும் அந்த படத்தின் அனைத்து காட்சிகளும் மேற்கு வங்கம், கோல்கட்டாவில் படமாக்கப்படவிருக்கிறது.

உமா படத்திற்காக காஜலுக்கு ரூ. 2 கோடி சம்பளம் பேசப்பட்டுள்ளது. காஜல் முதல் முறையாக ரூ. 2 கோடி சம்பளம் வாங்குகிறார். முன்னதாக கங்கனா ரனாவத் நடிப்பில் வெளியான குயின் இந்தி படத்தின் தமிழ் ரீமேக்கான பாரீஸ் பாரீஸ் படத்தில் காஜல் நடித்தார். அவரை மையமாக வைத்து எடுக்கப்பட்ட அந்த படம் இன்னும் ரிலீசாகவில்லை. இதையடுத்தே அவர் ஹீரோயினை மையமாக வைத்து எடுக்கப்படும் படங்களில் நடிப்பதை தவிர்த்து வந்தார். பாரீஸ் பாரீஸ் படத்தை அடுத்து தன்னை தேடி வந்த 6 பட வாய்ப்புகளை ஏற்க மறுத்தார். அவை அனைத்துமே ஹீரோயினை மையமாக வைத்து எடுக்கப்பட்ட படங்கள்.

காஜல் தற்போது சிரஞ்சீவியுடன் சேர்ந்து ஆச்சார்யா தெலுங்கு படத்தில் நடித்து வருகிறார். மேலும் நாகர்ஜுனா ஜோடியாக ஒரு படத்தில் நடிக்க ஒப்புக் கொண்டிருக்கிறார். அவர் ஷங்கர் இயக்கத்தில் கமல்ஹாசன் ஜோடியாக நடித்து வந்த இந்தியன் 2 பட வேலை பாதியில் நிற்கிறது. இந்தியன் 2 படப்பிடிப்பு மீண்டும் எப்பொழுது துவங்கும் என்று தெரியவில்லை. இந்நிலையில் பாதையை மாற்றி கதாநாயகிக்கு முக்கியத்துவம் தரும் படங்களிலும் நடிக்க தொடங்கி இருக்கிறார்.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பிளாஷ்பேக்: வெள்ளித்திரையில் வேற்று கிரகவாசிகளை காண்பித்த முதல் ...
• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்