Dinamalar

நரப்பா - வெங்கடேஷைப் பாராட்டும் விமர்சகர்கள்

தமிழில் 2019ம் ஆண்டு வெற்றிமாறன் இயக்க தனுஷ், மஞ்சு வாரியர் நடித்த 'அசுரன்' படம் வெளியாகி பெரும் வரவேற்பைப் பெற்றது. அந்த ஆண்டிற்கான தமிழில் சிறந்த பிராந்திய மொழிப் படத்திற்கான தேசிய விருது, தனுஷுக்கு சிறந்த நடிகருக்கான தேசிய விருத ஆகியவை கிடைத்தது.

அப்படத்தைத் தெலுங்கில் 'நரப்பா' என்ற பெயரில் ரீமேக் செய்தனர். ஸ்ரீகாந்த் அட்டாலா இயக்கத்தில் வெங்கடேஷ், பிரியாமணி மற்றும் பலர் நடித்தனர். தியேட்டர்களில் படம் வெளியாகும் என்று எதிர்பார்க்கப்பட்ட நிலையில் இன்று படம் ஓடிடி தளத்தில் வெளியானது.

படத்தைப் பார்த்தவர்கள் வெங்கடேஷின் நடிப்பையும், படத்தின் உருவாக்கத்தையும் பாராட்டி வருகிறார்கள். தமிழில் வெளியான ஒரு சிறந்த படத்தை தெலுங்கு நேட்டிவிட்டிக்கு ஏற்றபடி சரியாகப் படமாக்கியிருக்கிறார்கள் என ரசிகர்களும் பாராட்டி வருகிறார்கள். வெங்கடேஷ் இதுவரை நடித்த படங்களிலும், ஏற்று நடித்த கதாபாத்திரங்களிலும் இதுதான் சிறந்தது என்று சொல்கிறார்கள்.

அதே சமயம் பிளாஷ்பேக் காட்சிகள் பற்றிய நெகட்டிவ் விமர்சனங்களும் இருக்கின்றன. நிஜத்தில் 60 வயதான விஜய் 20 வயதான அம்மு அபிராமியுடன் ஜோடி சேர்ந்து நடித்ததும், அந்த பிளாஷ் பேக் காட்சிகள் கதையோட்டத்தைத் தடுப்பதாக உள்ளதாகவும் படத்தின் மைனஸ் பாயின்ட்டுகளாகக் குறிப்பிடுகிறார்கள்.

இருந்தாலும், 'நரப்பா' படம் ரீமேக்காக இருந்தாலும் ரசிகர்களைக் கவரும் விதத்தில் படைக்கப்பட்டுள்ளதாகவே பெரும்பாலானோர் கருத்து தெரிவித்து வருகிறார்கள்.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா