ஆர்ஆர்ஆர் : ஜுனியர் என்டிஆர் ஜோடி ஒலிவியா மோரிஸ் தந்த அப்டேட்

07 ஆக, 2021 - 11:05 IST

0 கருத்துகள் கருத்தைப் பதிவு செய்ய

எழுத்தின் அளவு:

ராஜமவுலி இயக்கத்தில் சுதந்திர கால சரித்திரப்படமாக உருவாகி வரும் படம் 'ஆர்ஆர்ஆர்'. இப்படத்தில் ராம் சரண் ஜோடியாக ஆலியா பட், ஜுனியர் என்டிஆர் ஜோடியாக பிரிட்டிஷ் நடிகை ஒலிவியா மோரிஸ் நடிக்கிறார்கள்.

'ஆர்ஆர்ஆர்' பட செய்திகளில் ஒலிவியா மோரிஸ் பற்றிய தகவல்கள் அதிகம் வருவதில்லை. கடந்த ஜனவரி மாதம் படத்தில் ஒலிவியா பற்றிய முதல் போஸ்டரை படக்குழு வெளியிட்டது. படத்தில் அவர் ஜெனிபர் என்ற கதாபாத்திரத்தில் நடிக்கிறார்.

அதற்குப் பிறகு படம் பற்றிய பல செய்திகள், தகவல்கள் வெளிவந்தாலும் ஒலிவியா மோரிஸ் பற்றி அப்டேட்கள் வெளியாகவேயில்லை. தற்போது படத்தின் கடைசி கட்டப் படப்பிடிப்பு உக்ரைன் நாட்டில் நடைபெற்று வருகிறது. அதில் ஒலிவியாவும் கலந்து கொண்டு நடித்து வருகிறார்.

படப்பிடிப்புப் புகைப்படம் ஒன்றைப் பகிர்ந்து, “ஓ... மீண்டும் வந்துள்ளது சிறப்பு,” எனக் குறிப்பிட்டுள்ளார்.

ஒலிவியா பற்றிய தகவல்கள் கூகுளில் கூட அதிகம் கிடைக்கவில்லை. 2018ல் வந்த டிவி தொடரான ' 7 டிரைல்ஸ் இன் 7 டேய்ஸ்' ல் மட்டும் நடித்த தகவல்தான் இருக்கிறது. அதில் கூட அவர் முக்கிய கதாபாத்திரத்தில் நடிக்கவில்லை. 23 வயதான ஒலிவியா நாடகம் மற்றும் நடிப்பில் பட்டம் வாங்கியவர். 'ஆர்ஆர்ஆர்' படத்திற்குப் பிறகு பிரபலமாகிவிடுவார் என எதிர்பார்க்கலாம்.

RRRmovie

SSRajamouli

கருத்துகள் (0) கருத்தைப் பதிவு செய்ய

சினிமாவில் 50ம் ஆண்டில் மம்முட்டி : ...

பிறந்தநாள் கொண்டாடிய மாளவிகா மோகனன்

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய