Dinamalar

ஒரே நாளில் சினிமாவில் அறிமுகமான ராதிகா, மீனா

தமிழ் சினிமா உலகில் மட்டுமல்லாது தெலுங்குத் திரையுலகத்திலும் முன்னணி கதாநாயகிகளாக இருந்தவர்கள் ராதிகா, மீனா. இருவரும் இப்போதும் குணச்சித்திர கதாபாத்திரங்களில் நடித்துக் கொண்டிருக்கின்றனர். இருவருக்கும் இடையே ஒரு ஒற்றுமை உள்ளது. இதே ஆகஸ்ட் 10ம் நாளில்தான் இருவரும் தமிழ் சினிமாவில் கதாநாயகிகளாக அறிமுகமாகி உள்ளனர்.

1978ம் ஆண்டு ஆகஸ்ட் 10ம் தேதி வெளிவந்த 'கிழக்கே போகும் ரயில்' படம் தான் ராதிகாவின் முதல் படம். 1990ம் ஆண்டு ஆகஸ்ட் 10ம் தேதி வெளிவந்த 'ஒரு புதிய கதை' படத்தின் மூலம் தான் மீனா கதாநாயகியாக அறிமுகமானார்.

மீனா அதற்கு முன்பு குழந்தை நட்சத்திரமாக பல படங்களில் நடித்துள்ளார். கதாநாயகியாக அறிமுகமான படம் 'ஒரு புதிய கதை'. அந்தப் படம் பெரிய அளவில் பேசப்படவில்லை. ஆனால், 1991ல் வெளிவந்த ராஜ்கிரண் நடித்த 'என் ராசாவின் மனசிலே' படம் அவருக்குப் பெரிய திருப்புமுனையைக் கொடுத்தது. அதன்பின் ரஜினிகாந்த், கமல்ஹாசன், சத்யராஜ், விஜயகாந்த், பிரபு, கார்த்திக், பாக்யராஜ், சரத்குமார், அர்ஜுன், முரளி, பிரபுதேவா, அஜித் என 90களின் முன்னணி நடிகர்கள் பலருடனும் ஜோடி சேர்ந்து நடித்துள்ளார்.

1978ல் ஆகஸ்ட் 10ல் அறிமுகமான நடிகை ராதிகாவுக்கு முதல் படமான 'கிழக்கே போகும் ரயில்' படமே பெரிய வெற்றிப் படமாக அமைந்தது. அதன்பின் அவர் சேர்ந்து நடிக்காத நடிகர்களே இல்லை என்று சொல்லலாம். பல முன்னணி நடிகர்களுடன் ஜோடியாக, பல்வேறு விதமான கதாபாத்திரங்களில் கடந்த 43 வருடங்களாக தமிழ், தெலுங்கு சினிமா மற்றும் டிவிக்களில் ராஜ நடை போட்டு வருகிறார் ராதிகா. தற்போது கூட சிம்பு படம், அருண் விஜய் படம் என படப்பிடிப்பில் பிஸியாக இருக்கிறார்.

மறக்க முடியாத தமிழ் சினிமா கதாநாயகிகளில் ஒரே நாளில் அறிமுகமான ராதிகா, மீனா ஆகியோருக்குத் தனி இடமுண்டு.

• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...
• 
  சுதந்திர போராட்ட வீரர்களை போற்றும் 'பஹேலி கீத் 2' பாடல்: முகேஷ் கன்னா ...

• 
  கல்யாணி சூப்பர் உமனாக நடிக்கும் ‛லோகா': ஓணம் பண்டிகைக்கு ரிலீசாகிறது
• 
  அமெரிக்க முன்பதிவில் 'கூலி' புதிய சாதனை
• 
  இரண்டு மொழிகளில் வெளியாகும் 'பர்தா'
• 
  அரசு வாகனத்தில் சொகுசு பயணம்: சர்ச்சையில் சிக்கிய நித்தி அகர்வால்
• 
  நீடிக்கும் ஸ்டிரைக் - அமைச்சர்களை சந்தித்த தெலுங்கு தயாரிப்பாளர்கள்