Dinamalar

சிரஞ்சீவி நடிக்கும் 'லூசிபர்' தெலுங்கு ரீமேக் இன்று ஆரம்பம்

மலையாளத்தில் நடிகர் பிருத்விராஜ் இயக்கத்தில், மோகன்லால், மஞ்சுவாரியர் மற்றும் பலர் நடித்து 2019ம் ஆண்டு வெளிவந்து பெரிய வெற்றியைப் பெற்ற படம் 'லூசிபர்'. அப்படத்தைத் தெலுங்கில் சிரஞ்சீவி நடிக்க ரீமேக் செய்கிறார்கள். மோகன்ராஜா படத்தை இயக்க தமன் இசையமைக்கிறார். இப்படத்தின் படப்பிடிப்பு இன்று(ஆக.,13) முதல் ஆரம்பமாவதாக இசையமைப்பாளர் தமன் அப்டேட் கொடுத்திருக்கிறார்.

“வாழ்நாளில் மறக்க முடியாத ஒரு நாள். சிரஞ்சீவியின் 153வது படத்திற்கு ஒரு பாடலை நிறைவு செய்துள்ளோம். சிரஞ்சீவி சார் அதற்கு வாழ்த்து தெரிவித்துள்ளார். ஒரு பெரிய ரசிகனாக எனக்கு இது மிக சிறப்பான ஒன்று. நாளை படப்பிடிப்பு ஆரம்பமாகிறது. எங்கள் இயக்குனர் மோகன்ராஜாவுக்கு வாழ்த்துகள்” என அப்டேட் கொடுத்துள்ளார்.

'அலா வைகுந்தபுரம்லோ' படத்தில் இடம் பெற்ற சூப்பர் ஹிட் பாடல்களுக்குப் பிறகு தமன் தெலுங்கில் மிகவும் பிஸியாகிவிட்டார். பாலகிருஷ்ணா நடிக்கும் 'அகான்டா', நானி நடிக்கும் 'டக் ஜகதீஷ்', வருண் தேஜ் நடிக்கும் 'கானி', மகேஷ் பாபு நடிக்கும் 'சர்க்காரு வாரி பாட்டா', பவன் கல்யாண், ராணா நடிக்கும் 'அய்யப்பனும் கோஷியும்' தெலுங்கு ரீமேக், ஷங்கர், ராம் சரண் இணையும் புதிய படம் என மிகவும் பிஸியாக இருக்கிறார்.

சிரஞ்சீவி நடிக்கும் ஒரு படத்திற்கு முதல் முறையாக இப்போது தான் இசையமைக்கிறார் என்பது குறிப்பிடத்தக்கது.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா