Dinamalar

டிவி ஷோக்களில் கமல்ஹாசன், அர்ஜுன், விஜய் சேதுபதி

தமிழ்த் திரையுலகத்தைச் சேர்ந்த மூன்று முக்கிய நடிகர்களான கமல்ஹாசன், அர்ஜுன், விஜய் சேதுபதி பங்கு பெறும் டிவி நிகழ்ச்சிகள் அடுத்தடுத்து வெவ்வேறு டிவிக்களில் இடம் பெறுவது ரசிகர்களிடையே ஆச்சரியத்தை ஏற்படுத்தியுள்ளது.

விஜய் சேதுபதி தொகுத்து வழங்கும் 'மாஸ்டர் செப்' நிகழ்ச்சி கடந்த ஆகஸ்ட் மாதம் முதல் ஒளிபரப்பாகி வருகிறது. அடுத்து நடிகர் அர்ஜுன் தொகுத்து வழங்கும் 'சர்வைவர்' நிகழ்ச்சி ஜீ தமிழ் டிவியில் செப்டம்பர் 12ம் தேதி முதல் ஒளிபரப்பாக உள்ளது. அதன்பின் கமல்ஹாசன் தொகுத்து வழங்கும் 'பிக்பாஸ் சீசன் 5' நிகழ்ச்சி அக்டோபர் மாதம் முதல் ஒளிபரப்பாகும் எனத் தெரிகிறது.

இந்த மூன்று நிகழ்ச்சிகளுமே சர்வதேச அளவில் பல நாடுகளில் பல மொழிகளில் ஏற்கெனவே ஒளிபரப்பாகி வரும் ஒரு சர்வதேச கான்செப்ட். தமிழில் இப்படி மூன்று பிரபலமான நிகழ்ச்சிகள் அடுத்தடுத்து ஆரம்பமாக உள்ளது வியப்பான ஒன்றுதான்.

'மாஸ்டர் செப்' நிகழ்ச்சி வார இறுதி நாட்களான சனி மற்றும் ஞாயிற்றுக்கிழமைகளில் மட்டும் இரவு 9.30 மணிக்கு ஒளிபரப்பாகிறது. 'சர்வைவர்' நிகழ்ச்சி தினமும் இரவு 9.30 மணிக்கு ஒளிபரப்பாக உள்ளது. 'பிக் பாஸ் சீசன் 5' இரவு 9.30 அல்லது 10 மணிக்கு ஒளிபரப்பாகும் என்று எதிர்பார்க்கப்படுகிறது.

மூன்று நிகழ்ச்சிகளுமே ரியாலிட்டி ஷோக்கள் என்பதாலும், வார இறுதி நாட்களில் மூன்று நிகழ்ச்சிகளும் ஒரே சமயத்தில் ஒளிபரப்பாகும் என்பதாலும் கடும் போட்டி இருக்கும்.

மூன்று பிரபல நடிகர்கள் இப்படி டிவி பக்கமும் வந்துவிட்டதால், ஏற்கெனவே ஓடிடி தளங்களால் தடுமாறி வரும் சினிமா, இந்த டிவி நிகழ்ச்சிகளாலும் வசூல் பாதிப்பை சந்திக்கவும் வாய்ப்புள்ளது.

• 
  சிறுத்தையின் கர்ஜனையால் தெறித்து ஓடிய நடிகை மவுனி ராய்
• 
  'திரிஷ்யம்-3'யில் அக்ஷய் கண்ணாவுக்கு பதிலாக நடிக்கும் விஸ்வரூபம் ...
• 
  ஷாருக்கானின் பதான் பட வசூலை முறியடிக்கும் துரந்தர்
• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'

• 
  பான் இந்தியா ஹீரோயின் ஆக மாறும் ருக்மணி வசந்த்
• 
  விஜய் மீண்டும் நடிக்க வருவார் : அனலி ஹீரோயின் ஆருடம்
• 
  பிளாஷ்பேக்: படப்பிடிப்பு முடியும் முன்பே பலியான “பத்ரகாளி” பட நாயகி ராணி ...
• 
  அண்ணனின் திருமண நாளிலேயே தனது திருமணத்திற்கு தேதி குறித்த அல்லு சிரிஷ்
• 
  புறநானூறு படத்திலிருந்து சூர்யா விலகியது ஏன்? : சுதா கொங்கரா பதில்