Dinamalar

சிவகார்த்திகேயன் வெளியிட்ட 'சர்வைவர்' புரோமோ. ஜெயிச்சா ஒரு கோடி!

ஜி தமிழ் தொலைக்காட்சியின் 'சர்வைவர்' ரியாலிட்டி ஷோவின் புரோமோவை சிவகார்த்திகேயன் வெளியிட்டார். வைரலாகி வரும் இந்த புரோமோவால் நிகழ்ச்சி குறித்தான மக்களின் எதிர்பார்ப்பு அதிகரித்துள்ளது.

தொலைக்காட்சிகளில் சீரியலுக்கு அடுத்தப்படியாக ரியாலிட்டி ஷோக்களுக்கு இடையேயும் பலத்த போட்டி ஏற்பட்டுள்ளது. அந்த வகையில் ஜி தமிழும் 'சர்வைவர்' என்கிற பிரம்மாண்டமான ரியாலிட்டி ஷோவை தற்போது தமிழில் அறிமுகப்படுத்துகிறது.

இந்த போட்டியில் தனி தீவில் விடப்படும் போட்டியாளர்கள் அங்கு நிலவும் சூழ்நிலைகளை சமாளித்து அவர்களே அனைத்தையும் தாக்கு பிடித்து வாழ வேண்டும். மற்ற சேனல்களின் ரியாலிட்டி ஷோக்களை முன்னணி ஹீரோக்கள் தொகுத்து வழங்குவது போலவே, 'சர்வைவர்' நிகழ்ச்சியை ஆக்ஷன் கிங் அர்ஜூன் தொகுத்து வழங்கவுள்ளார். இதன் புரோமோவை சிவகார்த்திகேயன் அண்மையில் வெளியிட்டுள்ள நிலையில் இணையத்தில் வைரலாகி வருகிறது. புரோமோவில் பேசும் அர்ஜூன், 'பரிசு ஒரு கோடி... அதை கஷ்டப்படாமல் ஜெயிக்க முடியாது' என்று கூறுகிறார்.

சர்வைவர் நிகழ்ச்சியில் விஜயலக்ஷ்மி, நந்தா, வனிதா விஜயகுமார், கோபிநாத் ரவி, ஸ்ரீ ரெட்டி, இந்திரஜா, ஜான் விஜய், விதியுலேகா, விஜே பார்வதி, ஷாலு ஷம்மு, அனிகா சுரேந்திரன், சஞ்சனா சிங் ஆகிய 12 போட்டியாளர்கள் கலந்துகொள்ளப்போவதாக தகவல்கள் வெளியாகியுள்ளது. இதுகுறித்து தொலைகாட்சி நிர்வாகம் விரைவில் அதிகாரப்பூர்வ தகவலை அறிவிக்கவுள்ளது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  உழைக்கும் கரங்கள், உன்னிடத்தில் என்னைக் கொடுத்தேன், பீஸ்ட் - ஞாயிறு ...
• 
  கோவிலில் தீ மிதித்த புகழ்
• 
  ஆட்டுக்கார அலமேலு, கல்யாணராமன், சுல்தான் : ஞாயிறு திரைப்படங்கள்
• 
  சின்னத்திரை நடிகர் சங்கத் தேர்தல்: போஸ் வெளியே, ஆர்த்தி உள்ளே
• 
  கந்தன் கருணை, ஆழ்வார், சர்கார் - ஞாயிறு திரைப்படங்கள்