குடும்பத்துடன் சாம்ராட் பிருத்விராஜ் படம் பார்த்த அமித்ஷா : வரிவிலக்கு அளித்த யோகி

03 ஜூன், 2022 - 12:32 IST

0 கருத்துகள் கருத்தைப் பதிவு செய்ய

எழுத்தின் அளவு:

அக்ஷய்குமார், சஞ்சய்தத், சோனுசூட், மனுஷி ஷில்லர் நடித்துள்ள படம் சாம்ராட் பிருத்விராஜ். ஹிந்தியில் தயாராகி உள்ள இந்த படம் தமிழ், தெலுங்கு, கன்னடம், மலையாளம் உள்ளிட்ட தென்னிந்திய மொழிகளிலும் வெளிவருகிறது.

12ம் நூற்றாண்டில் வாழ்ந்த ராஜபுத்திர மன்னர் பிருத்விராஜ் சவுகான் வரலாற்றை அடிப்படையாக கொண்டு உருவாக்கப்பட்டுள்ள படம். முகலாய சாம்ராஜ்யத்தை முறியடித்த இந்துஸ்தானி சாம்ராஜ்யத்தை சொல்லும் படம். இந்த படத்தின் சிறப்பு காட்சி டில்லியில் நடந்தது. இதனை உள்துறை அமைச்சர் அமித் ஷா குடும்பத்துடன் சென்று பார்த்தார். படம் முடிந்த பிறகு நிருபர்களுக்கு பேட்டி அளித்த அவர் கூறியதாவது:

13 ஆண்டுகளுக்குப் பிறகு குடும்பத்துடன் தியேட்டரில் படம் பார்க்கிறேன். இந்தியாவின் கலாச்சாரப் போர்களை சித்தரிக்கும் இப்படத்தைப் பார்த்து ரசித்ததோடு இல்லாமல், இந்தியர்களின் முக்கியத்துவத்தை உணர்ந்தேன். இந்தப் படம் பெண்களை மதிக்கும், அவர்களுக்கு அதிகாரம் அளிக்கும் இந்திய கலாச்சாரத்தை சித்தரிக்கிறது.

இடைக்காலத்தில் பெண்கள் அனுபவித்து வந்த அரசியல் அதிகாரம் மற்றும் தேர்வு சுதந்திரம் பற்றி இந்தப் படம் பேசுகிறது. 2014ல் இந்தியாவில் ஒரு கலாச்சார விழிப்புணர்வு தொடங்கியது. அது இந்தியாவை மீண்டும் உயரத்திற்கு கொண்டு செல்லும். என்றார்.

இதற்கிடையில் லக்னோவில் இந்த படத்தை பார்த்த உத்திர பிரதேச முதல்வர் யோகி ஆதித்யாநாத் படத்தை பாராட்டி இருப்பதோடு, வரிவிலக்கும் அளித்துள்ளார்.

Samratprithviraj

akshaykumar

Amitshah

கருத்துகள் (0) கருத்தைப் பதிவு செய்ய

அல்லு அர்ஜுன் என்னுடன் நடிக்க ...

அட்லி - ஷாருக்கான் பட தலைப்பு இதுவா?

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய