Dinamalar

ஹிந்தி பட புரமோஷனுக்காக கோவிந்தாவுடன் சாமியாடிய ராஷ்மிகா

குறைந்த படங்களிலேயே நடித்திருந்தாலும் மிகக்குறுகிய காலகட்டத்தில் தென்னிந்திய அளவில் விஜய், மகேஷ்பாபு, அல்லு அர்ஜுன் ஆகியோருக்கு ஜோடியாக நடிக்கும் அளவுக்கு முன்னணி கதாநாயகியாக வளர்ந்து விட்டார் ராஷ்மிகா மந்தனா. குறிப்பாக கடந்த வருட இறுதியில் வெளியான புஷ்பா படத்தில் இடம்பெற்ற சாமி சாமி பாடலுக்கு அவர் ஆடிய நடனம் அவரை தென்னிந்தியாவை தாண்டி வட மாநிலத்திலும் கொண்டு சேர்த்திருக்கிறது. அதன் பலனாக தற்போது அமிதாப்பச்சன் உடன் இணைந்து குட்பை என்கிற படத்தில் நடித்துள்ளார் ராஷ்மிகா மந்தனா.
இந்த படம் விரைவில் வெளியாக உள்ள நிலையில் மும்பையில் இதன் புரமோஷன் நிகழ்ச்சிகளிலும் தவறாமல் கலந்துகொண்டு வருகிறார் ராஷ்மிகா. அப்படி அவர் செல்லும் இடங்களில் எல்லாம் சாமி சாமி பாடலுக்கு அவரை நடனம் ஆட சொல்லி கேட்காதவர்கள் பாக்கி இல்லை. அந்த வகையில் பாலிவுட் சேனல் ஒன்றில் ரியாலிட்டி ஷோவில் கலந்துகொண்ட ராஷ்மிகா அந்த நிகழ்ச்சியில் பாலிவுட் நடிகர் கோவிந்தாவுடன் சேர்ந்து சில நொடிகள் சாமி சாமி பாடலுக்கு நடனமாடி பார்வையாளர்களை கவர்ந்தார். இந்த பாடலுக்கு ஆடுவதற்காக என்றோ என்னவோ அவர் பாவாடை தாவணி போன்ற ஒரு மாடன் உடையில் இந்த நிகழ்ச்சியில் கலந்து கொண்டார் என்பது குறிப்பிடத்தக்கது.

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்