Dinamalar

'கைதி' ஹிந்தி ரீமேக் 'போலா' டீசருக்கு அதிரடி வரவேற்பு

லோகேஷ் கனகராஜ் இயக்கத்தில், சாம் சிஎஸ் இசையமைப்பில், கார்த்தி, நரேன் மற்றும் பலர் நடிப்பில் 2019ல் தமிழில் வெளியான படம் 'கைதி'. வித்தியாசமான படமாக அமைந்து ரசிகர்களின் வரவேற்பைப் பெற்று பெரிய வெற்றியைப் பெற்றது இந்தப் படம்.

தமிழில் படத்தைத் தயாரித்த டிரீம் வாரியர் பிக்சர்ஸ், ஹிந்தியில் டி சீரிஸ், ரிலயன்ஸ் என்டர்டெயின்மென்ட், அஜய் தேவகன் பிலிம்ஸ் ஆகிய நிறுவனங்களுடன் இப்படத்தை இணைந்து தயாரிக்கிறது. அஜய் தேவகன் இயக்கி, கார்த்தி நடித்த கதாபாத்திரத்தில் அவரே நடிக்கிறார்.

இப்படத்தின் டீசர் நேற்று யு டியூபில் வெளியிடப்பட்டது. வெளியான 24 மணி நேரங்களுக்குள் 9 மில்லியன் பார்வைகளைப் பெற்றுள்ளது. அஜய் தேவகன் நடித்து கடந்த வாரம் வெளிவந்த 'த்ரிஷ்யம் 2' படம் சிறப்பாக ஓடி வரும் நிலையில் இந்த 'போலா' டீசருக்கும் ரசிகர்கள் நல்ல வரவேற்பைக் கொடுத்துள்ளனர்.

'கைதி' படத்தின் மையக் கருவை மட்டும் எடுத்துக் கொண்டு ஹிந்தியில் திரைக்கதையை மாற்றி அமைத்துள்ளனர். தமிழில் கதாநாயகி கிடையாது, ஹிந்தியில் தபு கதாநாயகியாக நடிக்கிறார். 'கேஜிஎப் 2' படத்திற்கு இசையமைத்த ரவி பஸ்ரூர் இந்தப் படத்திற்கு இசையமைக்கிறார். இப்படம் 2023 மார்ச் 30ம் தேதி 3 டியில் வெளியாகிறது.

• 
  தனுஷை தொடர்ந்து கார்த்தியை இயக்கும் எச்.வினோத்?
• 
  விஜய் அரசியலுக்கு வருவது சமூகத்தின் மீதான அக்கரையை காட்டுகிறது!- ...
• 
  ஜனநாயகனை விட பராசக்திக்கு கூடுதல் தியேட்டர்கள் ஒதுக்கப்பட்டுள்ளதா? - ...
• 
  நீலாம்பரி போல கதாபாத்திரங்கள் கிடைத்தால் நடிப்பேன் ; நமீதா விருப்பம்
• 
  படங்களின் லாப நட்ட கணக்கை ஏன் வெளியே சொல்ல வேண்டும் ? நிவின்பாலி கேள்வி

• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி
• 
  நிலத்தில் உழவு செய்த சல்மான் கான், தோனி