Dinamalar

'ஜவான்' இசை வெளியீட்டு உரிமை : அதிக விலைக்கு விற்பனை

தமிழ் இயக்குனராக அட்லி இயக்க, தமிழ் இசையமைப்பாளரான அனிருத் இசையமைக்க ஷாரூக்கான், நயன்தாரா, விஜய் சேதுபதி மற்றும் பலர் நடித்து வரும் படம் 'ஜவான்'.

இப்படத்தின் இசை வெளியீட்டு உரிமை 36 கோடி ரூபாய்க்கு விற்கப்பட்டுள்ளதாக பாலிவுட் வட்டாரங்களில் தகவல் பரவியுள்ளது. இதற்கு முன்பு எந்த ஒரு ஹிந்திப் படத்தின் இசை வெளியீட்டு உரிமையும் இவ்வளவு அதிகத் தொகைக்கு விற்கப்பட்டதில்லை என்கிறார்கள். இந்த இசை உரிமையைப் பெற ஆடியோ நிறுவனங்களிடம் பலத்த போட்டி நிலவியதாம்.

தமிழ் இயக்குனர், தமிழ் இசையமைப்பாளர், தமிழின் முன்னணி நாயகியான நயன்தாரா, வில்லனாக விஜய் சேதுபதி என பல தமிழ்க் கலைஞர்கள் இணைந்துள்ள ஒரு ஹிந்திப் படத்திற்கு இந்த அளவிற்கு வரவேற்பும், விலையும் இருப்பது பாலிவுட்டினருக்கு அதிர்ச்சியை ஏற்படுத்தியுள்ளதாகச் சொல்கிறார்கள். ஷாரூக்கான் நடித்து இதற்கு முன்பு வெளியான 'பதான்' படம் 1000 கோடிக்கும் அதிகமான தியேட்டர் வசூலைக் கொடுத்ததும் இந்த 'ஜவான்' படத்திற்கான அனைத்து வியாபாரமும் அதிகமாகக் காரணம் என்பதும் அவர்களின் கருத்தாக உள்ளது.

ஹிந்தி, தமிழ், தெலுங்கு ஆகிய மொழிகளில் செப்டம்பர் 7ம் தேதி இப்படம் வெளியாக உள்ளது.

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்