Dinamalar

வெளியானது கரண் ஜோஹரின் 'ஆர்ஆர்கேபிகே' டிரைலர் - பூவெல்லாம் கேட்டுப் பார், ஜோடி' படங்களின் தழுவலா ?

கரண் ஜோஹர் இயக்கத்தில், பிரீதம் இசையமைப்பில், ரன்வீர் சிங், ஆலியா பட், ஜெயா பச்சன், ஷபனா ஆஸ்மி, தர்மேந்திரா மற்றும் பலர் நடிக்கும் ஹிந்திப் படமான 'ராக்கி ஹவுர் ராணி கி பிரேம் கஹானி' படத்தின் டிரைலர் இன்று வெளியானது. டிரைலரைப் பார்த்ததுமே 1999ம் ஆண்டில் வெளியான தமிழ்ப் படங்களான 'பூவெல்லாம் கேட்டுப்பார், ஜோடி' ஆகிய படங்கள்தான் ஞாபகத்திற்கு வருகிறது.

இரண்டு படங்களின் கதைகளுமே ஒரே கதைகள்தான். காதலர்கள் தங்களது பெற்றோர்களின் சம்மதத்தைப் பெற காதலன் வீட்டில் காதலியும், காதலி வீட்டில் காதலியும் ஒரு காரணத்தைச் சொல்லி நுழைந்து அவர்களது மனதில் இடம் பிடிக்க முயற்சிப்பதுதான் இரண்டு படங்களின் கதை.

அதே கதையைத்தான் இப்போது கரண் ஜோஹர் ''ராக்கி ஹவுர் ராணி கி பிரேம் கஹானி' என பிரம்மாண்டமாக எடுத்திருக்கிறார். படத்தில் கதாநாயகன் ரன்வீர் பஞ்சாபி பையனாகவும், ஆலியா பொங்காலி பெண்ணாகவும் நடித்திருக்கிறார்கள். இந்தக் கால பாலிவுட் ஸ்டார்கள், அந்தக் கால பாலிவுட் ஸ்டார்கள், கரண் ஜோஹரின் இயக்கம் ஆகியவைதான் இந்தப் படத்திற்கு பிளஸ் ஆக அமையப் போகிறது என்பது டிரைலரைப் பார்த்ததும் தெரிய வருகிறது.

1999ல் தமிழில் வெளியான 'ஜோடி, பூவெல்லாம் கேட்டுப்பார்' ஆகிய இரண்டு படங்களுமே பெரிய வரவேற்பைப் பெறவில்லை. அவற்றின் தழுவலாக 24 வருடங்களுக்குப் பிறகு வரப் போகும் இந்த ஹிந்திப் படம் எப்படி வரவேற்பைப் பெறப் போகிறது என்பது படம் வெளியாகும் ஜுலை 28 அன்று தெரிய வரும்.

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?