Dinamalar

'ஜவான்' தமிழ் டிரைலருக்கு ரசிகர்கள் வரவேற்பு

அட்லீ இயக்கத்தில், அனிருத் இசையமைப்பில், ஷாரூக்கான், நயன்தாரா, விஜய் சேதுபதி மற்றும் பலர் நடித்துள்ள ஹிந்திப் படம் 'ஜவான்'. தமிழ், தெலுங்கிலும் டப்பிங் செய்யப்பட்டு செப்டம்பர் 7ம் தேதி வெளியாக உள்ள இந்தப் படத்தின் டிரைலர் மூன்று மொழிகளிலும் நேற்று வெளியானது.

24 மணி நேரத்தில் ஹிந்தி டிரைலர் 45 மில்லியன் பார்வைகளைக் கடந்துள்ளது. ஷாரூக்கான் நடித்து இதற்கு முன்பு வெளியான 'பதான்' படத்தின் டிரைலர் 24 மணி நேரத்தில் 27 மில்லியன் பார்வைகளை மட்டுமே பெற்றது. அந்த சாதனையை 'ஜவான்' டிரைலர் முறியடித்துள்ளது. இருப்பினும் இதுவரை வெளியான ஹிந்தித் திரைப்பட டிரைலர்களின் 24 மணி நேர சாதனையை 'ஜவான்' படம் முறியடிக்கும் என எதிர்பார்க்கப்பட்ட நிலையில் அது நடைபெறவில்லை.

பிரபாஸ் நடித்து வெளிவந்த 'ஆதிபுருஷ்' ஹிந்திப் படத்தின் டிரைலர் 24 மணி நேரத்தில் 52 மில்லியன் பார்வைகளைப் பெற்று புதிய சாதனையைப் படைத்தது. அந்த சாதனையை 'ஜவான்' டிரைலர் முறியடிக்கும் என எதிர்பார்க்கப்பட்ட நிலையில் அது முறியடிக்கப்படவில்லை.

அதே சமயம் 'ஜவான்' தமிழ் டிரைலருக்கு 6 மில்லியனுக்கும் அதிகமான பார்வைகள் கிடைத்து வரவேற்பைப் பெற்றுள்ளது. இப்படத்துடன் அட்லீ, அனிருத், விஜய் சேதுபதி, நயன்தாரா என பல தமிழ் சினிமா தொடர்பு உள்ளதால்தான் இந்த வரவேற்பு. 'ஜவான்' தெலுங்கு டிரைலர் 4 மில்லியன் பார்வைகளைக் கடந்துள்ளது.

அனைத்து விதமான தளங்களிலும் 'ஜவான்' டிரைலர் 112 மில்லியன் பார்வைகளைக் கடந்துள்ளதாக தயாரிப்பு நிறுவனம் அதிகாரப்பூர்வமாக அறிவித்துள்ளது.

• 
  படம் 1% ஏமாற்றினாலும் என் வீடுதேடி வரலாம்: 'தி ராஜா சாப்' இயக்குனர் ...
• 
  பிரியங்கா மோகனின் கன்னட படம் '666 ஆப்ரேஷன் ட்ரீம் தியேட்டர்' பர்ஸ்ட்லுக் ...
• 
  விக்ரம் பிரபுவின் 'சிறை' படத்தை பாராட்டிய மாரி செல்வராஜ்!
• 
  'டாக்சிக்'-ல் எலிசபெத் ஆக ஹூமா குரேஷி
• 
  ரஜினியை வைத்து முதல் மரியாதை போன்ற படம் இயக்க ஆசை! - சுதா கொங்கரா

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி