Dinamalar

எலெக்ஷனால் தள்ளிப்போகும் 'எமெர்ஜென்சி'

சினிமாவிலும், சமூக வலைத்தளங்களிலும் அரசியல் பேசி வந்த கங்கனா ரணவத் தற்போது நேரடி அரசியலில் குதித்துள்ளார். தனது சொந்த மாநிலமான இமாச்சல பிரதேசத்தில் கண்டி தொகுதியில் பாரதிய ஜனதா வேட்பாளராக போட்டியிடுகிறார். கடந்த சில நாட்களுக்கு முன்பு வேட்புமனு தாக்கல் செய்த அவர் தற்போது தீவிர பிரச்சாரத்தில் ஈடுபட்டு வருகிறார்.

இந்த நிலையில் அவர் நடித்து முடித்துள்ள 'எமெர்ஜென்சி' படத்தின் வெளியீடு தள்ளி வைக்கப்பட்டிருக்கிறது. வருகிற ஜூன் 14ம் தேதி வெளிவருவதாக அறிவிக்கப்பட்டிருந்த படம் தேதி குறிப்பிடப்படாமல் தள்ளி வைக்கப்படுவதாக கங்கனா அறிவித்திருக்கிறார்.

இது தொடர்பாக அவரது தயாரிப்பு நிறுவனம் வெளியிட்டுள்ள அறிக்கையில் கூறப்பட்டிருப்பதாவது : கங்கனா நாட்டிற்கான மிகப்பெரிய பணியில் தன்னை முழுமையாக அர்ப்பணித்துத் தேர்தல் களத்தில் வேலை செய்து கொண்டிருக்கிறார். நாட்டிற்கான பணியே முதன்மையானது என்பதால் அதை முடித்துவிட்டு தனது 'எமர்ஜென்சி' படத்தில் கவனம் செலுத்துவார். இதனால், ஜூன் 14ம் தேதி வெளியாகவிருந்த 'எமர்ஜென்சி' திரைப்படத்தின் வெளியீட்டுத் தேதி தள்ளி வைக்கப்பட்டுள்ளது. விரைவில் ரிலீஸ் குறித்த மறுஅறிவிப்பு வெளியாகும்" என்று அந்த அறிக்கையில் கூறப்பட்டுள்ளது.

எமெர்ஜென்சி படம் முன்னாள் பிரதமர் இந்திரா ஆட்சியில் கொண்டு வரப்பட்ட அவசரநிலை பிரகடனம்(எமெர்ஜென்சி) மற்றும் அதையொட்டி நடந்த சம்பவங்களின் பின்னணியில் உருவாகி உள்ளது. இதில் இந்திரா வேடத்தில் கங்கனா நடித்துள்ளார்.

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?