Dinamalar

ராமோஜிராவ் பிலிம் சிட்டி குடும்பம் குழந்தைகளுடன் தங்குவதற்கு பாதுகாப்பானது ; நடிகை கஜோல் திடீர் பல்டி

ஆசியாவிலேயே மிகப்பெரிய திரைப்பட நகரம் என்கிற பெருமையை பெற்றது ஹைதராபாத்தில் உள்ள ராமோஜி ராவ் பிலிம் சிட்டி. தென்னிந்திய படங்கள் மட்டுமல்லாது பாலிவுட் படங்கள் கூட பெருமளவு அங்கே தான் படமாக்கப்படுகின்றன. இந்த நிலையில் பாலிவுட் நடிகை கஜோல், ''ராமோஜி ராவ் பிலிம் சிட்டி ரொம்பவே அமானுஷ்யமானது'' என்கிற ஒரு அதிர்ச்சி தகவலை கூறினார். கஜோல் நடிப்பில் விரைவில் வெளியாக இருக்கும் படம் 'மா'. இந்த படத்தின் புரமோஷன் நிகழ்ச்சியின்போது தான் அவர் இவ்வாறு கூறியிருந்தார்.

இதுபற்றி அவர் கூறும்போது, “நான் எனக்கு அவ்வளவாக வசதியாக உணர முடியாத பல இடங்களில் படப்பிடிப்பில் கலந்து கொண்டு இருக்கிறேன். அங்கே எல்லாம் என்னால் தூங்க முடியாது. அப்படித்தான் இந்த உலகத்தில் உள்ள மிக அமானுஷ்யமான பகுதிகளில் ஒன்றாக ராமோஜி ராவ் பிலிம் சிட்டியை நான் கருதுகிறேன். அங்கே எந்த விதமான அமானுஷ் உருவங்களையும் பார்க்கவில்லை என்றாலும் கூட அமானுஷ்யத்தை என்னால் உணர முடிந்தது” என்று கூறியிருந்தார்.

அவரது இந்த பேச்சை தொடர்ந்து தெலுங்கு திரை உலகில் அவரது கருத்துக்கு மிகப்பெரிய எதிர்ப்பு குரல்கள் தொடர்ந்து எழுந்தன. பாலிவுட்டிலேயே கூட பல பிரபலங்கள் கஜோலின் இந்த கருத்தை பெரிய அளவில் ரசிக்கவில்லை. தான் கூறிய கருத்து இப்படி எதிராக திரும்பியதால் அதை சமாளிக்கும் விதமாக தற்போது தனது சோசியல் மீடியா பக்கத்தில் சமாளிப்பு விளக்கம் ஒன்றை பதிவிட்டுள்ளார் நடிகை கஜோல்.

அதில் அவர் கூறும்போது, “நான் இதற்கு முன்னதாக ராமோஜி ராவ் பிலிம் சிட்டி பற்றி கூறிய என் கருத்து பற்றி விளக்கம் அளிக்க விரும்புகிறேன். அது என்னுடைய மா படத்திற்கு புரமோஷனுக்காக சொல்லப்பட்டது. நான் ராமோஜி ராவ் பிலிம் சிட்டியில் பல படங்களில் பணியாற்றி இருக்கிறேன். இத்தனை வருடங்களில் பலமுறை அங்கே தங்கி இருக்கிறேன். எப்போதுமே அது படப்பிடிப்பு நடத்துவதற்கான அருமையான சுற்றுச்சூழல் கொண்ட இடமாகவும் சுற்றுலா பயணிகள் மகிழ்ச்சியாக பொழுது போக்கும் சுற்றுலா தளமாகவும் இருந்து வருகிறது. அது மட்டுமல்ல, குடும்பங்களுக்கும் குழந்தைகளுக்கும் அது சிறந்த பாதுகாப்பான ஒரு இடமும் கூட” என்று கூறியுள்ளார்.

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?