Dinamalar

புதுமுகங்கள் நடித்த 'மன்னு க்யா கரேகா' டிரைலர் வெளியீடு

'மன்னு க்யா கரேகா' எனும் ரொமான்டிக் காமெடி மியூசிக்கல் திரைப்படத்தின் டிரைலர் மற்றும் இசை வெளியீட்டு விழா மும்பையில் நேற்று நடைபெற்றது. புகழ்பெற்ற பாடகர்களான உதித் நாராயண் மற்றும் ஷான் ஆகியோர் தங்கள் மெல்லிசைக் குரல்களால் அனைவரையும் மயக்கினர். இந்த நிகழ்வில் படக்குழுவினர் அனைவரும் பங்கேற்றிருந்தனர்.

க்யூரியஸ் ஐஸ் சினிமா நிறுவனத்தின் சார்பில் ஷரத் மெஹ்ரா தயாரிக்க, சஞ்சய் திரிபாதி இயக்கியுள்ள இந்த படத்தில், வியோம் மற்றும் சாசி பிந்த்ரா, நாயகன் - நாயகியாக அறிமுகமாகியுள்ளனர். இவர்களுக்கிடையிலான கெமிஸ்ட்ரி படத்தில் ஒர்க்அவுட் ஆகியுள்ளதாக கூறப்படுகிறது. இவர்களுடன் வினய் பதக், குமுத் மிஸ்ரா, சாரு சங்கர் உள்ளிட்டோர் நடித்துள்ளனர்.

புத்துணர்ச்சியான, வண்ணமயமான காட்சிகளுடன் துவங்கிய டிரைலர் வரவேற்பை பெற்றுள்ளது. பழைய கால காதலின் இனிமையை இளம் தலைமுறையின் பார்வையில் காண்பிக்கும் விதமாக காட்சிப்படுத்தியுள்ளனர். குடும்பப்பாங்கான, உணர்ச்சியுள்ள காட்சிகள், முதல் காதல் நினைவுகள் எனு கலந்த வகையில் டிரைலர் அமைந்துள்ளது. இப்படம் செப்டம்பர் 12ம் தேதி தியேட்டர்களில் வெளியாகிறது.

• 
  தியேட்டர் நெரிசல் பலி - 'ஏ 11' குற்றவாளியான அல்லு அர்ஜுன்
• 
  சூர்யா 46வது படத்தின் கதை : தயாரிப்பாளர் வெளியிட்ட தகவல்
• 
  ரெட்ட தல, சிறை படங்களின் பாக்ஸ் ஆபீஸ் நிலவரம்
• 
  கதை திருட்டு புகாரில் சிக்கிய பராசக்தி : உயர்நீதிமன்றம் போட்ட உத்தரவால் ...
• 
  வளர்ந்து வந்த காலத்தில் போட்டிக்குப் போன விஜய்... : அவர் செய்தால் நியாயம், ...

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி