Dinamalar

மறக்க முடியுமா? - ரன்

படம் : ரன்
வெளியான ஆண்டு : 2002
நடிகர்கள் : மாதவன், மீரா ஜாஸ்மின், அதுல் குல்கர்னி, ரகுவரன், விவேக்
இயக்கம் : லிங்குசாமி
தயாரிப்பு : ஏ.எம்.ரத்னம்

ஆனந்தம் என்ற குடும்ப கதையை இயக்கிய லிங்குசாமி, அடுத்த படத்தில் ரன் என, வேகமெடுத்தார். படத்தின் கதையா... அதாவது, மாமா ரகுவரன் வீட்டிற்கு செல்லும் மாதவனுக்கு, அங்கிருக்கும் பிரபல ரவுடியான அதுல் குல்கர்னியின் தங்கை மீரா ஜாஸ்மின் மீது காதல் மலர்கிறது. ரவுடிகளை துவம்சம் செய்து, காதலியை கரம் பிடிக்கிறார். அவ்வளவு தான்!

இந்த சின்ன கதைக்கு, பரபரப்பான திரைக்கதை அமைத்து, டாப் கியரில் இயக்கியிருந்தார், லிங்குசாமி. படத்தின் வெற்றிக்கு காரணம், இயக்குனர் மட்டுமே என்பதை, அழுத்தம் திருத்தமாக நிரூபித்தார். 'ஆமாம்... அடி வாங்கத் தான், திருச்சியில இருந்து வந்துருக்கேன்' என, சாக்லேட் பாயாக இருக்கும் மாதவன், ஷட்டரை இறக்கும்போது, ரசிகர்கள் நிமிர்ந்து உட்கார்ந்தனர். அந்த சுரங்கப் பாதை சண்டை, மிக பிரமாதமாக அமைந்திருந்தது. தமிழ் சினிமாவில், சிறந்த சண்டை காட்சிக்களை பட்டியிலிட்டால், 10க்குள் ஒன்றாக, ரன் இருக்கும்.

அதுல் குல்கர்னியில் வில்லத்தனம் ரசிக்கப்பட்டது. லிங்குசாமி, படத்தின் ஒவ்வொரு காட்சியிலும் ஏதாவது ஒரு டச் வைத்திருந்தார். மீரா ஜான்மினை, மாதவன் அழைத்துச் செல்லும்போது குறுக்கிடும், உடல் ஊனமுற்ற அடியாள் முதற்கொண்டு, அனைத்து கதாபாத்திரங்களும் நச்சென்று வார்க்கப்பட்டிருந்தன.

இப்படத்தில் இடம்பெற்ற விவேக் காமெடி வெகுவாக ரசிக்கப்பட்டது. 'சிவா எங்கடா இருக்க...' என புலம்பும்போதெல்லாம், திரையரங்கில் சிரிப்பு சத்தம் பலமாக எழுந்தது. வித்யாசாகரின் இசையில், 'காதல் பிசாசே, இச்சுத் தா இச்சுத் தா, மின்சாரம் என் மீது பாய்கின்றதே, வாடா மச்சான் வயசுக்கு வந்துட்டேன்...' உள்ளிட்ட பாடல்கள், தமிழகம் எங்கும் எதிரொலித்தன. படம் சூப்பர் டூப்பர் ஹிட் அடித்தது.

தியேட்டரில் செம ஓட்டம் ஓடியது, ரன்!

• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே
• 
  காதல் கிசுகிசு எதிரொலி: கிரிக்கெட் வீரர் முகமது சிராஜிக்கு ராக்கி கட்டிய ...
• 
  ஜனநாயகன் படப்பிடிப்பு தளத்துக்கு திரண்ட ரசிகர்கள் : பாபி தியோல் ஆச்சரிய ...

• 
  மறக்க முடியுமா? - வெயில்
• 
  மறக்க முடியுமா? - திமிரு
• 
  மறக்க முடியுமா? - வேட்டையாடு விளையாடு
• 
  மறக்க முடியுமா? - வரலாறு
• 
  மறக்க முடியுமா? - தம்பி