Dinamalar

பஹத் பாசில் படப்பிடிப்பு தளத்திற்கு விசிட் அடித்த ரிஷப் ஷெட்டி

நடிகர் பஹத் பாசில் கடந்த ஒரு ஆண்டுக்குள் மட்டுமே, தெலுங்கில் புஷ்பா, தமிழில் விக்ரம் என மலையாளம் தவிர மற்ற இரண்டு தென்னிந்திய மொழிகளிலும் மிகப்பெரிய வெற்றியை பெற்று, தனது ரசிகர் வட்டத்தையும் வியாபார எல்லையையும் விஸ்தரித்து உள்ளார். இதைத்தொடர்ந்து முதன்முறையாக கன்னடத்திலும் கால் பதித்துள்ள பஹத் பாசில் தற்போது தூமம் என்கிற கன்னட படத்தில் நடித்து வருகிறார். இதில் அவருக்கு ஜோடியாக அபர்ணா பாலமுரளி நடிக்கிறார். லூசியா மற்றும் யு டர்ன் ஆகிய படங்களையும் இயக்கிய பவண்குமார் படத்தை இயக்கி வருகிறார். பெங்களூருவில் நடைபெற்று வரும் இந்த படத்தின் படப்பிடிப்பில் தற்போது பஹத் பாசில் கலந்துகொண்டு நடித்து வருகிறார்.

இந்த நிலையில் சமீபத்தில் கன்னடம் மட்டுமல்லாது தென்னிந்திய மொழிகள் மற்றும் பாலிவுட்டிலும் மிகப்பெரிய வரவேற்பைப் பெற்ற காந்தாரா படத்தின் நாயகனும் இயக்குனருமான ரிஷப் ஷெட்டி, பஹத் பாசில் படத்தின் படப்பிடிப்பு தளத்திற்கு திடீர் விசிட் அடித்துள்ளார். இந்த சந்திப்பின்போது கேஜிஎப் படங்களுக்கு பிறகு இந்த தூமம் படத்தையும் தயாரித்து வரும் ஹோம்பலே பிக்சர்ஸ் தயாரிப்பாளர் விஜய் கிரகந்தூரும் உடன் இருந்தார்.

இதுபற்றி படத்தின் தயாரிப்பாளர் விஜய் கிரகந்தூர் கூறும்போது, “இரண்டு ஜென்டில்மேன்களுடன் ஒரு மகிழ்ச்சியான மாலைப்பொழுது” என்று குறிப்பிட்டுள்ளார். இதை தொடர்ந்து ரசிகர்கள் பலரும் தெனிந்திய சினிமாவின் திறமைகளின் பவர் ஹவுஸ்களான இவர்கள் இருவரும் இணைந்து ஒரு படத்தில் நடிக்க வேண்டும் என்று தங்களது விருப்பத்தை வெளிப்படுத்தி வருகின்றனர்.

• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்
• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்

• 
  மலையாளம் பிக்பாஸ் 7ல் பங்கேற்ற ஹிந்தி பிக்பாஸ் 9 போட்டியாளர்
• 
  பழம்பெரும் நடிகர் பிரேம் நசீர் மகன் ஷானவாஸ் காலமானார்
• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...