Dinamalar

மோகன்லால் படத்திற்கு யோகிபாபு வாழ்த்து

மலையாளத்தில் மோகன்லால் நடிப்பில் நாளை (ஜனவரி 25) வெளியாக உள்ள படம் மலைக்கோட்டை வாலிபன். தென்னிந்திய மொழிகள் மற்றும் ஹிந்தியிலும் சேர்த்து பான் இந்திய படமாக இது வெளியாகிறது. பிரபல இயக்குனர் லிஜோ ஜோஸ் பெல்லிசேரி என்பவர் இயக்கியுள்ள இந்த படம் மல்யுத்த விளையாட்டை மையப்படுத்தி உருவாகியுள்ளது. இதில் மோகன்லால் மல்யுத்த வீரராக நடித்துள்ளார். மிகுந்த எதிர்பார்ப்பை ஏற்படுத்தி உள்ள இந்த படம் மிகப்பெரிய வெற்றி பெற நடிகர் யோகி பாபு தனது வாழ்த்துக்களை சோசியல் மீடியா பக்கத்தில் தெரிவித்துள்ளார்.

யோகி பாபுவும் தற்போது மலையாளத்தில் நுழைந்து 'குருவாயூர் அம்பலநடையில்' என்கிற படத்தில் பிரித்விராஜூடன் இணைந்து நடித்து வருகிறார். மலைக்கோட்டை வாலிபன் படத்திற்கும் யோகிபாபுவுக்கும் எந்த சம்பந்தமும் இல்லை என்றாலும் ஜெயிலர் படத்தில் மோகன்லாலுடன் இணைந்து நடித்த அந்த நட்பின் அடிப்படையில் இந்த படத்திற்கு வாழ்த்துக்களை தெரிவித்துள்ளார் யோகிபாபு.

மலைக்கோட்டை வாலிபன் பட போஸ்டர் அருகில் மோகன்லால் நிற்பது போன்ற புகைப்படத்தை அவர் தனது சோசியல் மீடியா பக்கத்தில் பகிர்ந்துகொண்டு வெளியிட்டுள்ள பதிவில் "மலைக்கோட்டை வாலிபன் ஜனவரி 25 ஆம் தேதி உலகம் முழுவதும் வெளியாகிறது, ஆல் தி பெஸ்ட் மோகன்லால் சார்.. வாழ்த்துக்கள் லிஜோ ஜோஸ் பெல்லிசேரி.. இந்த அற்புதமான திரைப்படத்திற்கு வாழ்த்துக்கள். மலைக்கோட்டை வாலிபன் மிகப்பெரிய வெற்றியைப் பெறும்” என்று குறிப்பிட்டுள்ளார் யோகிபாபு.

• 
  சல்மான்கானின் 60-வது பிறந்தநாள் : திரையுலகினருக்கு மெகா விருந்து
• 
  'புஷ்பா-2' சாதனையை முறியடித்த ரன்வீர் சிங்கின் 'துரந்தர்'
• 
  நாய்களை விலைக்கு வாங்காதீர்கள்.. தத்தெடுங்கள் ; ஷாலினி பாண்டே கோரிக்கை
• 
  கதை சிக்கலில் மாட்டிய ஆஸ்கர் படம்
• 
  ‛ஆசாத் பாரத்' பற்றி நெகிழும் இந்திரா திவாரி

• 
  பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை ...
• 
  வார் 2 படத்தால் நஷ்டமா... : தயாரிப்பாளர் விளக்கம்
• 
  விஜய் இதை பார்த்தால் நிச்சயம் ரசிப்பார் ; மோகன்லால் கொடுத்த கிரீன் ...
• 
  ஆந்திராவில் சினிமா தியேட்டர் டிக்கெட் கட்டணங்களில் மாற்றம்?
• 
  'ஆடு-3' படப்பிடிப்பில் நடிகர் விநாயகன் காயம் ; கொச்சி மருத்துவமனையில் ...