Dinamalar

படம் வெளியாவதற்கு முன்பே மறைந்த சங்கீத் சிவன்

பிரபல ஒளிப்பதிவாளர் சந்தோஷ் சிவனின் சகோதரரும், இயக்குனருமான சங்கீத் சிவன் நேற்று காலமானார். மலையாளம் மட்டுமல்லாது பாலிவுட்டிலும் பல படங்களுக்கு கதாசிரியராக, இயக்குனராக பணியாற்றியுள்ள இவரது மறைவுக்கு திரையுலக பிரபலங்களும் ரசிகர்களும் தங்களது இரங்கல்களை தெரிவித்துள்ளனர்.

இசையமைப்பாளர் ஏ.ஆர்.ரஹ்மானை 32 வருடங்களுக்கு முன்பு தான் இயக்கிய 'யோதா' என்கிற படம் மூலமாக மலையாள திரையுலகில் அறிமுகப்படுத்தியவர் தான் இந்த சங்கீத் சிவன். தொடர்ந்து மலையாளம் மற்றும் ஹிந்தியில் மட்டுமே மாறி மாறி படங்களை இயக்கி வந்த சங்கீத் சிவன் கடந்த 2019 ல் 'பிரம்' என்கிற ஹிந்தி வெப்சீரிஸை இயக்கியிருந்தார்.

5 வருட இடைவெளி விட்டு தற்போது அவர் ஹிந்தியில் கப் கபி என்கிற படத்தை இயக்கி வந்தார். இந்த படம் கடந்த வருடம் மலையாளத்தில் வெளியாகிய சூப்பர் ஹிட்டான ரோமாஞ்சம் என்கிற படத்தின் ஹிந்தி ரீமேக்காக உருவாகியுள்ளது. படப்பிடிப்பு நிறைவடைந்து போஸ்ட் புரொடக்சன் பணிகள் இறுதி கட்டத்தை எட்டியுள்ளன. வரும் ஜூன் மாதம் இந்த படம் வெளியாக இருக்கும் நிலையில் தான் அதை பார்க்காமலேயே இந்த உலகை விட்டு பிரிந்து சென்றுள்ளார் இயக்குனர் சங்கீத் சிவன்.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை