ஒரேநாளில் வெளியான இரு படங்களில் நடித்த நடிகரின் கதாபாத்திரங்கள் தந்த ஆச்சரியம்

நீங்கள் இங்கே இருக்கிறீர்கள்: முகப்பு » பிறமொழி செய்திகள் »

28 மே, 2024 - 12:00 IST

எழுத்தின் அளவு:

The-characters-of-the-actor-who-played-in-two-films-released-on-the-same-day-were-a-surprise

மலையாளத்தில் கடந்த வாரம் மம்முட்டி நடித்த டர்போ மற்றும் பிஜூமேனன், ஆசிப் அலி நடித்த தலவன் ஆகிய படங்கள் வெளியாகின. இந்த இரண்டு படங்களுமே ரசிகர்களின் வரவேற்பை பெற்றுள்ளன. இதில் டர்போ படத்தில் மம்முட்டிக்கு கடைசி வரை உதவி செய்யும் ஒரு தொழிலதிபர் கதாபாத்திரத்தில் நடித்திருந்தார் மலையாள சினிமாவின் பிரபல இயக்குனரும், நடிகருமான திலீஷ் போத்தன். அதேபோல தலவன் படத்திலும் பிஜூமேனனுக்கு உதவி செய்யும் உயர் போலீஸ் அதிகாரி கதாபாத்திரத்தில் நடித்திருக்கிறார் திலீஷ் போத்தன். இந்த இரண்டு படங்களுக்குமே அடுத்ததாக இன்னொரு பாகமும் இருக்கிறது என்பது போல லீட் கொடுத்து கிளைமாக்ஸ் முடிந்திருந்தன.

இதில் ஆச்சரியமாக இந்த இரண்டு படங்களின் கிளைமாக்ஸ் காட்சியும் முடியும்போது ரசிகர்கள் யாரும் எதிர்பாராத விதமாக திலீஷ் போத்தன் எதிரிகளால் கொல்லப்பட்டு படத்தின் ஹீரோக்களுக்கு அதிர்ச்சி கொடுப்பதாக முடிவடைந்து இருந்தது. சொல்லப்போனால் இந்த இரண்டு படத்தின் கடைசி ஷாட்டுகளும் திலீஷ் போத்தனின் டெட் பாடியாகத்தான் காட்டப்பட்டன. இப்படி ஒரே நாளில் வெளியான 2 படங்களில் திலீஷ் போத்தனை மையப்படுத்தி கிளைமாக்ஸ் காட்சி நிறைவு செய்யப்பட்டிருந்தது ரசிகர்களிடையே ஆச்சரியத்தை ஏற்படுத்தி உள்ளது.

Dileeshpothan

Turbo

Thalavan

கருத்துகள் (0) கருத்தைப் பதிவு செய்ய

கிறிஸ்துமஸ் பண்டிகையில் ராம் ரிலீஸ் ...

பள்ளிப்படிப்பை முடித்த மகன் : ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய