Dinamalar

ஒரு வார இடைவெளியில் வெளியாகும் பஹத் பாசிலின் 2 படங்கள்

நடிகர் பஹத் பாசிலின் படங்களுக்கு என மலையாள திரையுலகையும் தாண்டி தென்னிந்திய அளவில் ரசிகர்களிடம் ஒரு எதிர்பார்ப்பு உருவாகிவிட்டது. கடந்த சில மாதங்களுக்கு முன்பு மலையாளத்தில் அவர் நடிப்பில் வெளியான ஆவேசம் திரைப்படம் கேரளாவையும் தாண்டி தமிழகம் மற்றும் ஆந்திராவில் வரவேற்பையும் வசூலையும் பெற்றது.

இந்த நிலையில் நடிகர் ரஜினிகாந்துடன் பஹத் பாசில் இணைந்து வேட்டையன் படத்தில் முக்கிய கதாபாத்திரத்தில் நடித்துள்ளார். இந்த படம் வரும் அக்டோபர் 10ம் தேதி வெளியாக இருக்கிறது. நிச்சயமாக ரஜினிகாந்த், பஹத் பாசில் காம்போ ரசிகர்களுக்கு பெரும் விருந்தாக இருக்கும் என மிகப்பெரிய எதிர்பார்ப்பு கிளம்பியுள்ளது.

இந்த நிலையில் பஹத் பாசில் ரசிகர்களுக்கு போனஸ் ஆக அக்டோபர் 17ம் தேதி மலையாளத்தில் அவர் நடித்துள்ள போகன் வில்லா என்கிற திரைப்படமும் ஒரு வார இடைவெளியில் வெளியாக இருக்கிறது. இந்த படத்தில் குஞ்சாக்கோ போபனும் இன்னொரு கதாநாயகனாக நடித்துள்ளார். அன்வர், பிக் பி உள்ளிட்ட படங்களை இயக்கிய இயக்குனர் அமல் நீரத் இந்த படத்தை இயக்கியுள்ளார். ஏற்கனவே பஹத் பாசிலை வைத்து இயோப்பிண்டே புத்தகம், வரதன் உள்ளிட்ட வெற்றி படங்களை அமல் நீரைத் இயக்கியுள்ளார் என்பது குறிப்பிடத்தக்கது.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  மகேஷ்பாபுவின் 50வது பிறந்தநாளில் அடுத்த வாரிசுக்கு விழா எடுக்கும் ...
• 
  ஜூன் ஜூலையில் பள்ளிகள் வேண்டாம் ; மலையாள இயக்குனர்கள் அரசுக்கு கோரிக்கை
• 
  மோகன்லாலும் மம்முட்டியும் கண்டுகொள்ளவில்லை ; பன்னீர் புஷ்பங்கள் சாந்தி ...
• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை