Dinamalar

கேரள அரசு விருதை கட்டி அணைத்தபடி தூங்கிய பிரேமலு நடிகர் : வைரலாகும் புகைப்படம்

கடந்த வருடம் மலையாளத்தில் வெளியான பிரேமலு திரைப்படம் மலையாளம் தாண்டி தமிழ் ரசிகர்களிடமும் மிகப்பெரிய வரவேற்பு பெற்றது. அந்த படத்தில் நாயகியாக நடித்த மமிதா தற்போது பெரிய அளவில் வளர்ந்து வரும் முன்னணி நடிகையாக மாறிவிட்டார். அந்த படத்தின் கதாநாயகன் நஸ்லேன் தவிர இவர்களது நண்பராக நடித்திருந்த நடிகர் சங்கீத் பிரதாப்பும் தற்போது பிஸியான நடிகராக மாறிவிட்டார். இவர் நடிகர் என்றாலும் அடிப்படையில் ஒரு படத்தொகுப்பாளர்.

கடந்த 2023ல் மலையாளத்தில் 96 புகழ் கவுரி கிஷன் நடிப்பில் வெளியான மிஸ் லிட்டில் ராவுத்தர் என்கிற படத்தில் ஒரு முக்கிய கதாபாத்திரத்தில் நடித்ததுடன் இந்த படத்திற்கு படத்தொகுப்பாளராகவும் சங்கீத் பிரதாப் பணியாற்றியிருந்தார். இதனை தொடர்ந்து சமீபத்தில் 2023க்கான கேரள அரசு விருதுகள் வழங்கப்பட்ட போது சிறந்த படத்தொகுப்பாளருக்கான விருது மிஸ் லிட்டில் ராவுத்தர் படத்திற்காக சங்கீத் பிரதாப்பிற்கு வழங்கப்பட்டது.

இந்த விருதை பெற்றுக் கொண்ட மகிழ்ச்சியுடன் அன்றைய இரவு அந்த விருதை கட்டிப்பிடித்தபடி இவர் படுக்கையில் படுத்து உறங்கும் புகைப்படம் ஒன்று சமீபத்தில் சோசியல் மீடியாவில் வெளியாகி வைரலாகி வருகிறது. ஒரு கலைஞனுக்கு மிகப் பெரிய அங்கீகாரமான பாராட்டு என்பதே விருதுகள் தான். அப்படி கேரள அரசின் ஒரு உயரிய விருதை முதன்முதலாக பெற்றிருப்பதாலோ என்னவோ அது தன் கையை விட்டு அகன்று விடக்கூடாது என தூங்கும்போது கூட அருகில் வைத்துக் கொண்டு தூங்கியுள்ள சங்கீத் பிரதாப்பை ரசிகர்கள் பலரும் பாராட்டி வருகின்றனர்.

• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?
• 
  ஜான்வி கபூரின் ‛பரம் சுந்தரி' ரிலீஸ் தேதி அறிவிப்பு

• 
  ஆகஸ்ட் 3 முதல் மலையாள பிக்பாஸ் சீசன்-7 துவக்கம்
• 
  போட்டியின்றி இணைச் செயலாளராக தேர்வான் ‛திரிஷ்யம்' நடிகை
• 
  பரிசு அறிவிப்பதில் நடந்த குளறுபடி : மேடையில் கண்ணீர் விட்டு அழுத நடிகை
• 
  இலங்கை சுற்றுப்பயணத்தில் கூட்டத்தில் ஒருவனாக மாறிய மகேஷ்பாபு
• 
  எதிர்ப்பு வலுத்ததால் நடிகர் சங்க போட்டியில் இருந்து விலகிய வில்லன் ...