Dinamalar

தனுஷ் படத்தில் அன்று சிறிய வேடம், இன்று அவருடனேயே தேசிய விருது

2019ம் ஆண்டிற்கான தேசிய திரைப்பட விருதுகள் வழங்கும் நிகழ்வு நேற்று டில்லியில் நடைபெற்றது. நிகழ்ச்சியில் சிறந்த நடிகருக்கான விருதை தனுஷ், சிறந்த துணை நடிகருக்கான விருதை விஜய் சேதுபதி ஆகியோர் பெற்றுக் கொண்டனர்.

ஒரே நாளில் ஒரே மேடையில் தனுஷ், விஜய் சேதுபதி ஆகியோர் அடுத்தடுத்து விருது பெற்றுக் கொண்டது குறித்து சமூக வலைத்தளங்களில் ரசிகர்கள் விஜய் சேதுபதியை பாராட்டி மீம்ஸ்களை வெளியிட்டு வருகிறார்கள்.

2006ம் ஆண்டு தனுஷ் கதாநாயகனாக நடித்து வெளிவந்த 'புதுப்பேட்டை' படத்தில் கூட்டத்தில் ஒருவராக அடியாள் கதாபாத்திரத்தில் விஜய் சேதுபதி நடித்திருப்பார். அதன்பின் படிப்படியாக வளர்ந்து கதாநாயகனாகி இன்று தேசிய விருது பெறும் அளவிற்கு விஜய் சேதுபதி வளர்ந்துள்ளார்.

'புதுப்பேட்டை' படத்தில் தனுஷின் பின்னாடி விஜய் சேதுபதி நிற்கும் புகைப்படத்தையும், நேற்று இருவரும் விருது பெற்ற புகைப்படத்தையும் ஒன்றாகப் பகிர்ந்து ரசிகர்கள் சில பல மீம்ஸ்களை வெளியிட்டுள்ளனர்.

முயற்சி என்ற ஒன்று இருந்தால் கூட்டத்தில் ஒருவராக இருப்பவர் விருத பெறும் ஒருவராக இருக்கும் அளவிற்கு உயர முடியும் என்பதற்கு விஜய் சேதுபதி ஒரு சாட்சி.

• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு
• 
  ஆலியா பட், ரன்பீர் வசிக்கப் போகும் 250 கோடி புதிய பங்களா
• 
  யு டியூப் ரிலீஸ் : அமீர்கான் வழியை மற்றவர்கள் பின்பற்றுவார்களா ?

• 
  ரசிகர்களின் அன்பை சுயலாபத்திற்காக பயன்படுத்த மாட்டேன்: அஜித்குமார்
• 
  ஏஐ.,யின் உதவியுடன் இசையமைத்த அனிருத்!
• 
  சினிமா துறையில் 33 ஆண்டுகளை நிறைவு செய்த அஜித்குமார்! இயக்குனர் ஆதிக் ...
• 
  ரஜினியின் ‛கூலி' படம் 100 பாட்ஷாவுக்கு சமம் என்கிறார் நாகார்ஜுனா!
• 
  எம்.எஸ். பாஸ்கர், பிரான்க் ஸ்டார் கூட்டணியில் ‛கிராண்ட் பாதர்'!