Dinamalar

'இந்தியன் 2' பஞ்சாயத்து இனிதே நிறைவு?

லைகா நிறுவனம் தயாரிப்பில், ஷங்கர் இயக்கத்தில், கமல்ஹாசன், காஜல் அகர்வால், சித்தார்த், பிரியா பவானி சங்கர் மற்றும் பலர் நடிக்கும் படம் 'இந்தியன் 2'. கடந்த வருடம் நிகழ்ந்த கிரேன் விபத்திற்குப் பிறகு இப்படத்தின் படப்பிடிப்பு ஒன்றரை வருடங்களுக்கு மேலாக நடக்கவில்லை. தயாரிப்பு நிறுவனத்திற்கும், ஷங்கருக்கும் இடையில் மோதல் ஏற்பட்டு நீதிமன்றத்தில் வழக்கு நடந்து வந்தது.

இந்நிலையில் சில நாட்களுக்கு முன்பு இவ்வழக்கு நீதிமன்ற விசாரணைக்கு வந்த போது வழக்கு முடித்து வைக்கப்பட்டதாகத் தெரிகிறது. அதன்படி 'இந்தியன் 2' படத்தை முன்னுரிமை கொடுத்து ஷங்கர் முடித்துக் கொடுக்க வேண்டும் என்று உத்தரவிடப்பட்டுள்ளதாகத் தெரிகிறது.

தற்போது ஷங்கர் தான் இயக்கி வரும் தெலுங்குப் படத்தின் படப்பிடிப்பை நடத்தி வருகிறார். அதன் முதல் கட்டப் படப்பிடிப்பு முடிந்ததும் டிசம்பர் மாதத்தில் 'இந்தியன் 2' படத்தை ஆரம்பிப்பார் எனத் தெரிகிறது. அதற்குள் கமல்ஹாசனும் 'விக்ரம்' படத்தில் நடித்து முடித்துவிடுவாராம்.

'இந்தியன் 2' படத்திற்காக 200 கோடி ரூபாய்க்கு மேல் செலவிப்பட்ட நிலையில் படம் மீண்டும் ஆரம்பமாகுமா இல்லையா என்ற கேள்வி ரசிகர்களிடம் இருந்தது. டிசம்பரில் படப்பிடிப்பு ஆரம்பமானால் அடுத்த ஆண்டுக்குள் படம் வர வாய்ப்புள்ளது.

• 
  தெரு நாய்களுக்கு ஆதரவாக குரல் கொடுத்து விமர்சனத்தில் சிக்கிய ஜான்வி ...
• 
  'எக்ஸ்க்ளுசிவ் ஒப்பந்தம்' : 'வார் 2' செய்வது சரியா ?
• 
  சிறையில் இருக்கும் நடிகை ரன்யா ராவின் வளர்ப்பு தந்தைக்கு மீண்டும் ...
• 
  அவுட்டோர்களுக்கும் தலையணையுடன் பயணிக்கும் ஜான்வி கபூர்
• 
  ‛தி இன்டர்ன்' பட ரீமேக்கில் இருந்து விலகிய தீபிகா படுகோனே

• 
  அரங்கம் அதிர, விசிலு பறக்க... வெளியானது கூலி : ரசிகர்கள் கொண்டாட்டம்
• 
  இந்தாண்டு பல பாடங்களை கற்றுத் தந்தது : ஹன்சிகா
• 
  2வது திருமண சர்ச்சைக்கு இடையில் முதல் மனைவியுடன் விழாவில் பங்கேற்ற ...
• 
  கிஸ் படத்தின் ரிலீஸ் தேதி குறித்து புதிய தகவல்
• 
  முருகனாக நடித்த ஸ்ரீதேவி; 13 வயதில் ஹீரோயின் ஆனவர்: இன்று ஸ்ரீதேவியின் 62வது ...