Dinamalar

மீண்டும் ராணுவ அதிகாரியாக நடிக்கும் விஜய்

ஏ.ஆர்.முருகதாஸ் இயக்கத்தில் உருவான துப்பாக்கி படத்தில் ராணுவ அதிகாரியாக நடித்திருந்தார் விஜய். இந்த நிலையில் தனது 65வது படத்திலும் ஏ.ஆர்.முருகதாஸ் இயக்கத்தில் விஜய் நடிக்க இருப்பதாக செய்திகள் வெளியாகின. அந்த படம் துப்பாக்கி இரண்டு படமாக இருக்கலாம் என்று எதிர்பார்க்கப்பட்டது. ஆனால் ஏதோ காரணத்தினால் விஜய் - முருகதாஸ் கூட்டணி மீண்டும் இணையவில்லை. இந்த நிலையில் தற்போது நெல்சன் இயக்கும் பீஸ்ட் படத்தில் நடித்து வருகிறார் விஜய். பூஜா ஹெக்டே, செல்வரகவன், யோகி பாபு உள்பட பலர் நடிக்கும் இந்த படத்திற்கு அனிருத் இசை அமைக்கிறார்.

இந்த படத்தின் இறுதிகட்ட படப்பிடிப்பு விரைவில் ஜார்ஜியாவில் நடைபெற உள்ளது. அங்கு காஷ்மீர் தீவிரவாதிகளுடன் விஜய் மோதுவது போன்ற ஆக்ஷன் காட்சி படமாக்கப்பட இருப்பதாக ஒரு தகவல் கசிந்திருக்கிறது. இதற்கு முக்கிய காரணம், இந்த படத்தில் விஜய் துப்பாக்கி படத்தை போலவே ராணுவ அதிகாரியாக நடிக்கிறாராம். ஆனபோதிலும் காஷ்மீரில் அந்த சண்டை காட்சியை செட் அமைத்து படமாக்க முடியாத சூழல் இருப்பதால் அந்த காட்சியை ஜார்ஜியாவில் செட் போட்டு படமாக்கப்போவதாக கூறப்படுகிறது. இதை வைத்து பார்க்கும்போது இந்தப்படமும் துப்பாக்கி பட சாயலிலேயே இருக்கும் என்றும் தெரியவந்துள்ளது.

• 
  3 மணி நேரம் ஓடப் போகும் 'வார் 2'
• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்

• 
  பிரதமர் மோடி உடன் நடிகர் கமல் சந்திப்பு : கீழடி பற்றி கோரிக்கை
• 
  கூலி படத்தில் பிரீத்தி கதாபாத்திரம் கொல்லப்படுகிறதா? : ஸ்ருதிஹாசன் பதில்
• 
  இட்லி கடை படத்தின் இசை வெளியீடு எப்போது?
• 
  சிவகார்த்திகேயன் படங்களுக்கு தொடர்ந்து இசையமைக்கும் சாய் அபயன்கர்
• 
  ஹீரோவாக அறிமுகமாகும் ஷங்கரின் மகன்