Dinamalar

உடல்நலம் சரியில்லாத ரசிகரின் மகளுக்கு காணொளி மூலம் ஆறுதல் கூறிய ரஜினி

நடிகர் ரஜினிகாந்த் நடிப்பில் தீபாவளிக்கு ‛அண்ணாத்த' படம் திரைக்கு வந்தது. கடும் விமர்சனங்கள் எழுந்தாலும் படம் ரூ.200 கோடி வசூலித்திருப்பதாக கூறப்படுகிறது. தற்போது வீட்டில் ஓய்வெடுத்து வருகிறார் ரஜினி. அதேசமயம் தனது அடுத்தபடத்திற்கான கதை விவாதங்களிலும் ஈடுபட்டு வருகிறார். சமீபத்தில் தனது பிறந்தநாளை குடும்பத்தினர் உடன் வீட்டில் கேக் வெட்டி கொண்டாடினார். அரசியல் பிரமுகர்கள், திரையுலகினர், ரசிகர்கள் உள்ளிட்ட பலரும் அவருக்கு வாழ்த்து தெரிவித்தனர். அனைவருக்கும் நன்றி தெரிவித்திருந்தார் ரஜினி.

இந்நிலையில் பெங்களூரை சேர்ந்த தன் ரசிகர் ஒருவரின் மகள் சவுமியா உடல்நலக்குறைவால் பாதிக்கப்பட்டுள்ளார். இதை அறித்த ரஜினி காணொளி மூலம் அவரை தொடர்பு கொண்டு சீக்கிரம் குணமாக வாழ்த்தினர். அந்த வீடியோவில் ‛‛சவுமியா கண்ணா எப்படி இருக்க, பயப்படாத தைரியமாக இரு ஒன்றுமில்லை. கொரோனாவால் என்னால் நேரில் வர முடியவில்லை, எனக்கும் சற்று உடல்நலம் சரியில்லை. இல்லையென்றால் கட்டாயம் வந்திருப்பேன். உனக்காக ஆண்டவனிடம் வேண்டிக் கொள்கிறேன். எல்லாம் சரியாகிவிடும், தைரியமாக இரு'' என தெரிவித்துள்ளார்.

ரஜினியின் இந்த வீடியோ வைரலானது.

• 
  வரவேற்பைப் பெறாத 'பரியேறும் பெருமாள்' ஹிந்தி ரீமேக்
• 
  விளம்பர வீடியோவில் உலக சாதனை படைத்த தீபிகா படுகோனே
• 
  500 கோடி வசூலைக் கடந்த 'சாயாரா'
• 
  மலையாள இயக்குனர் படத்தில் நடிக்கப்போகும் சல்மான்கான்
• 
  வாழ்த்து சொன்ன மோகன்லால் ; சந்திக்க நேரம் கேட்ட ஷாருக்கான்

• 
  அனுஷ்காவின் ‛காட்டி' டிரைலர் வெளியீடு : ரிலீஸ் தேதியும் அறிவிப்பு
• 
  ரவி மோகனை தொடர்ந்து சிவகார்த்திகேயனுக்கு வில்லனாகும் ஆர்யா
• 
  பராசக்தி படத்தில் நடிக்காதது ஏன் : லோகேஷ் கனகராஜ் விளக்கம்
• 
  ராம் சரண் படம் கைவிடப்பட்டது ஏன் : கவுதம் தின்னனூரி விளக்கம்
• 
  சிவகார்த்திகேயனின் மன அழுத்தத்தை போக்கும் பிள்ளைகள்