லட்சுமிமேனனுக்கு ஜோடி யோகி பாபு : பரவும் தகவல்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

18 டிச, 2021 - 05:23 IST

எழுத்தின் அளவு:

கும்கி படத்தில் அறிமுகமான லட்சுமி மேனன் அதையடுத்து சுந்தரபாண்டியன், பாண்டியநாடு, கொம்பன், வேதாளம் என பல வெற்றி படங்களில் நடித்தார். இடையில் மேற்படிப்பு, உடல் எடை அதிகரிப்பு போன்ற காரணங்களால் சிலகாலம் சினிமாவை விட்டு ஒதுங்கி இருந்தார். அதன்பின் முத்தையா இயக்கிய புலிகுத்தி பாண்டி மூலம் ரீ-என்ட்ரி ஆனார். இவர் நடித்துள்ள யங் மங் சங் படமும் இன்னும் வெளிவராமல் உள்ளது.

இந்த நிலையில் தற்போது புதுமுக இயக்குனர் முருகேஸ் பூபதி என்பவர் இயக்கும் ஒரு படத்தில் அவர் கதாநாயகியாக நடிக்கப் போகிறார் . காதல் கதையில் உருவாகும் இந்தப் படத்தில் லட்சுமி மேனனுக்கு ஜோடியாக காமெடியன் யோகி பாபு நடிக்க போவதாக தகவல் வெளியாகி உள்ளது. சமீபகாலமாக காமெடியாக நடித்து வந்தபோதும் அவ்வப்போது கதையின் நாயகனாகவும் நடித்து வருகிறார் யோகிபாபு. ஏற்கனவே கோலமாவு கோகிலா படத்தில் நயன்தாராவை ஒருதலையாக காதலிக்கும் வேடத்தில் நடித்தார். ஆனால் இந்த படத்தில் இருவருமே காதலிப்பது போன்று தான் படம் இருக்கும் என்கிறார்கள். அதேசமயம் இந்த படம் வழக்கத்திலிருந்து ஒரு மாறுபட்ட காதல் கதையில் உருவாகிறது என்றும் கூறப்படுகிறது.

Lakshmimenon

Yogibabu

கருத்துகள் (0) கருத்தைப் பதிவு செய்ய

தவறுகளை திருத்திக் கொள்கிறோம் : ...

விஜய் சேதுபதி படத்தில் கிரிக்கெட் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய