Dinamalar

விஜய் சேதுபதி நடிக்கும் 'மாமனிதன்' சென்சார் நிறைவு

யுவன்ஷங்கர் ராஜாவின் தயாரிப்பு நிறுவனமான ஒய்எஸ்ஆர் பிலிம்ஸ் தயாரிப்பில், சீனு ராமசாமி இயக்கத்தில், விஜய் சேதுபதி, காயத்ரி மற்றும் பலர் நடிக்கும் 'மாமனிதன்' படத்திற்கு சென்சார் நிறைவடைந்து 'யு' சான்றிதழ் வழங்கப்பட்டுள்ளது.

இப்படத்திற்கு முதல் முறையாக இளையராஜாவும், யுவன்ஷங்கர் ராஜாவும் இணைந்து இசையமைக்கின்றனர். இப்படத்தின் படப்பிடிப்பு 2019ம் ஆண்டு பிப்ரவரி மாதமே முடிவடைந்துவிட்டது. அதன்பிறகு பல்வேறு காரணங்களால் வெளியீடு தள்ளிப் போனது. கடந்த இரண்டு ஆண்டுகளாக கொரோனா தாக்கத்தால் படத்தை வெளியிடுவதையும் தள்ளி வைத்தனர்.

இந்நிலையில் படத்தின் இரண்டு பாடல்களை சில மாதங்களுக்கு முன்பு வெளியிட்டனர். மூன்று வாரங்களுக்கு முன்பு படத்தின் டீசரையும் வெளியிட்டார்கள். தற்போது சென்சாரும் முடிவடைந்த நிலையில் படத்தின் வெளியீடு விரைவில் இருக்கும் எனத் தெரிகிறது. பொங்கலுக்கு 'வலிமை' படமும், 'ராதேஷ்யாம்' டப்பிங் படமும் வெளியாக உள்ளது. அவற்றுடன் இந்தப் படத்தை வெளியிடுவார்களா அல்லது பொங்கல் கழித்து வெளியிடுவார்களா என்பது விரைவில் தெரிய வரும்.

விஜய் சேதுபதி நடித்துள்ள 'கடைசி விவசாயி, காத்து வாக்குல ரெண்டு காதல், யாதும் ஊரே யாவரும் கேளிர்' ஆகிய படங்களும் அடுத்தடுத்து வெளியாக உள்ளன.

• 
  தனுஷ் படத்தின் இறுதிக்கட்ட படப்பிடிப்பில் கிர்த்தி சனோன்
• 
  'கல்கி 2' படத்திலிருந்தும் தீபிகா படுகோனே விலகல்?
• 
  சூப்பர் ஹீரோ படத்திற்காக லோகேஷ் கனகராஜ் உடன் கைகோர்க்கும் அமீர்கான்
• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்

• 
  இரவில் சிரித்து பேசிய தந்தையை காலையில் உயிருடன் பார்க்கவில்லை : ஷைன் டாம் ...
• 
  இசையமைப்பாளர் ஆனார் இளையராஜா பேரன்
• 
  விடுமுறை நாளிலும் வசூலில் ஏமாற்றிய தக் லைப்
• 
  நாக சைதன்யாவை காதலித்தபோது கழுத்தின் பின்பகுதியில் குத்திய டாட்டூவை ...
• 
  தக் லைப் படத்தை புகழ்ந்து பதிவிட்ட இயக்குனர் கார்த்திக் சுப்பராஜ்