Dinamalar

ஹிந்திக்குச் செல்லும் தேவிஸ்ரீபிரசாத்

தெலுங்குத் திரையுலகத்தில் பல சூப்பர் ஹிட் படங்களுக்கும், பல முன்னணி ஹீரோக்களின் படங்களுக்கும் இசையமைத்தவர் தேவிஸ்ரீபிரசாத். தெலுங்கில் டாப்பில் இருந்தாலும் இன்னும் சென்னையில் வசித்து வரும் தேவி, தமிழிலும் சில பல ஹிட் படங்களுக்கு இசையமைத்துள்ளார்.

சமீபத்தில் தெலுங்கில் தயாராகி ஹிந்தி, தமிழ், கன்னடம், மலையாளம் ஆகிய மொழிகளில் டப்பிங் ஆகி வெளிவந்த 'புஷ்பா' படத்திற்கு தேவி ஸ்ரீ பிரசாத் தான் இசையமைத்திருந்தார். அப்படத்தின் பாடல்கள் அனைத்து மொழிகளிலும் சூப்பர் ஹிட்டாகியுள்ளது. ஹிந்தி ரசிகர்களுக்கும் படத்தின் பாடல்கள் மிகவும் பிடித்துள்ளது.

இந்நிலையில் பிரபல இசை கம்பெனியான டி-சீரிஸ் நிறுவனத்தின் தலைவர் பூஷன் குமாரை சந்தித்துப் பேசியுள்ளார் தேவி ஸ்ரீ பிரசாத். 'புஷ்பா' பாடலுக்கு ஹிந்தியிலும் வரவேற்பு கிடைத்துள்ளதால் தேவியை ஹிந்தியிலும் அறிமுகப்படுத்த பூஷன் நினைப்பதாக பாலிவுட் தகவல்கள் தெரிவிக்கின்றன.

தேவி ஸ்ரீ பிரசாத் இசையமைத்த சில தெலுங்குப் பாடல்களை ஹிந்தியில் பயன்படுத்தியுள்ளார்கள் என்பது குறிப்பிடத்தக்கது. தேவியின் இசையில் வெளிவந்த 'துவ்வட ஜகன்னாதம்' என்ற படத்தில் இடம் பெற்ற 'சீட்டிமார்' பாடலை பிரபுதேவா இயக்கத்தில் சல்மான் கான் நடிப்பில் வெளிவந்த 'ராதே' படத்தில் பயன்படுத்தியிருந்தனர். அப்பாடலும் சூப்பர் ஹிட் பாடல்களில் ஒன்றாக அமைந்தது.

• 
  மீண்டும் ஹிந்தி படத்தில் கமிட்டான ராஷி கண்ணா
• 
  ஜூனியர் என்டிஆர் உடன் நடித்தது ஒரு கற்றல் அனுபவம் : சொல்கிறார் ஹிருத்திக் ...
• 
  லகான் கிராம மக்களுடன் அமர்ந்து ‛சிதாரே ஜமீன் பர்' படத்தை பார்த்த ...
• 
  முதல் தேசிய விருது : அட்லிக்கு நன்றி தெரிவித்த ஷாருக்கான்
• 
  மீண்டும் விசாரணைக்கு வருகிறது மான்வேட்டை வழக்கு

• 
  தேசிய விருது : தேர்வு குழுவிற்கு நடிகை ஊர்வசி கேள்வி
• 
  மீரா மிதுனை கைது செய்து ஆஜர்படுத்த நீதிமன்றம் உத்தரவு
• 
  ரஜினிக்கும், தனது தந்தைக்கும் உள்ள ஒற்றுமையை கூறிய லோகேஷ்
• 
  குடும்பத்துடன் திருப்பதியில் சாமி தரிசனம் செய்த சூர்யா
• 
  துல்கர் சல்மானின் 41வது படத்தை துவக்கி வைத்த நானி